'भिजिट भिषा'मा आउनेहरु होसियार 

मेघराज सापकोटा, युएई

संयुक्त अरब ईमिरेट्स (युएई) मा भिजिट भिषामा आएर काम खोज्ने नेपालीहरुको संख्या अत्यधिक बढ्न थालेको छ । सरकारले भिजिट भिषामा कडाइ गरे पनि त्रिभुवन विमानास्थलको अध्यागमन पार गरेर सेटिङमा उनीहरु काम खोज्नको लागि युएई आईपुगेका हुन ।

यसरी भिजिट भिषामा युएई आउनको लागि उनीहरुले कम्तीमा २ लाख ३० हजार देखि ५ लाख रुपैयाँसम्म एजेन्टलाई बुझाउने गरेका छन । भिजिटमा आउनेहरुलाई एजेन्टले दुबई वा अबुधाबीमा एउटा कोठामा २५ जनासम्म राख्ने गरेको पाईएको छ । दुबईमा काम लगाइदिने शर्तमा ल्याए पनि यहाँ आए पछी एजेन्ट फरार हुने गरेका कारण धेरै नेपाली बिचल्लीमा पर्ने गरेका छन । १ महिना अवधिको भिषा सस्तो पर्ने हुनाले दलालले प्रायः १ महिना अवधिको भिषा निकाल्ने हुनाले भिषाको समयावधि सकिए पछी कतिपय नेपाली गैरकानुनी रुपमा बस्न वाध्य बनेका छन भने कतिपयले भिषा थप्दै बसेका पनि पाईन्छ ।

भिजिट भिषामा आउनेहरु प्रायः दलाल मार्फत नेपालबाट सिधै युएई आईपुगेका हुन । केही युवतीहरु भने भारत र श्रीलंका हुँदै पनि आउने गरेको पाईन्छ ।

कसरी थप्छन भिषा ?

नयाँ भिषा थप्नको लागि नजिकैको अर्को मुलुक जानु (एक्जिट) अनिवार्य छ । यसको लागि ४ हजार दिर्हाम (१ लाख २० हजार रुपैयाँ) लाग्ने गरेको छ । पहिले युएईबाट एक्जिट “किश” शहर (ईरानको अधिनमा रहेको सानो टापु) जाने गरे पनि अहिलेलाई किश एक्जिट बन्द गरिएको छ । कोही कोही ओमान तिर पनि जाने गरेको पाईन्छ । दुबई, शारजाह र रस अल खैमह राज्यमा हुनेहरुले ४८ घण्टामा अर्को भिषा पाउनु पर्ने गरी एक्जिट भई एअरपोर्टमै बसेर पनि अर्को भिषा थप गर्ने गरेका छन । तर यसो गर्नको लागि सम्बन्धित एयरलाइन्सको टिकट लिन जरुरी छ । कुनै कुनै राज्यमा भने हावाइजहाज चढेर ओमानको मस्कट गएर सोही जहाजमा फर्केर एयरपोर्टमै अर्को भिषाको प्रतिक्षा गर्ने गरेको पाईन्छ ।

एक्जिट जानको लागि मस्कटको लागि हवाइजहाजको टिकटको मुल्य ३५० दिर्हाम देखि ५०० सम्म पर्दछ भने एअरपोर्टमा २ हजार दिर्हाम (झण्डै ६० हजार रुपैयाँ) धरौटी राख्नु पर्ने हुन्छ । नयाँ भिषा आएको खण्डमा १०० दिर्हाम काटेर बाँकी १,९०० दिर्हाम फिर्ता गरिन्छ । थप ३ महिनाको भिषाको लागि कम्तीमा १,१०० दिर्हाम देखि १,४०० दिर्हामसम्म खर्च हुनेगरेको छ । भिषा आईसके पछी एयरपोर्ट शुल्क बापत थप ५० दिर्हाम पनि तिर्न जरुरी हुन्छ । तर यसो गर्दा ४८ घण्टा भित्र अर्को भिषा आईसक्नु पर्दछ ।

भिषा आएन भने सुरक्षाकर्मीले डिपोजिट राखेको रकमबाट टिकट काटेर नेपाल फिर्ता पठाउने गरेको छ । यसरी हेर्ने हो भने ३ महिनाको भिषा थप गर्नको लागि अन्य खर्च सहित कम्तीमा २,५०० दिर्हाम (डिपोजिट बाहेक) खर्च हुने देखिन्छ । त्यति रकम जोहो नगरी आएर युएईमा अप्ठ्यारोमा पर्नेहरुको संख्याको कुनै कमि छैन । त्यसैले भिजिट भिषाको सपना देखिरहेकाहरुले यसमा ध्यान दिन आवश्यक छ । 

भिजिट भिषामा आएर पनि काम पाउने कुनै ग्यारेन्टी भनें हुँदैन । काम नपाएको खण्डमा फर्किनुको बिकल्प छैन । कसैले पनि गैर कानुनी तवरले युएईमा बस्छु भनेर सोच्ने मुर्खता गर्नु हुन्न ।

भिजिट भिषामा इन्सुरेन्स किन गर्ने ?

भिजिट भिषामा आउनेहरुको इन्सुरेन्स प्रायः गरिएको हुँदैन । भिजिट भिषामा रहेको अवस्थामा बिरामी भएको खण्डमा उपचार एकदमै महँगो छ । अझ दुर्घट्ना भई अस्पतालमा भर्ना हुनुपरेमा झनै उपचार झनै कठिन छ । तसर्थ भिजिटमा युएई आउन चाहनेहरुले इन्सुरेन्स सुबिधा लिन अत्यन्तै जरुरी छ । सामान्यतय भिजिट भिषामा १ महिनाको ४० दिर्हाम र ३ महिनाको लागि ९० दिर्हाम इन्सुरेन्स शुल्क लाग्ने गरेको छ । हवाइजहाजको टिकट लिदा पनि इन्सुरेन्स सुबिधा किन्न जरुरी छ ।

भिजिट भिषामा युएई आएर मृत्‍यु भएका बिशाल मेचेको जिम्मा कसले लिने ?

भिजिट भिषामा युएई आएका धाइजन ३ झापाका २१ बर्षिय बिशाल मेचेको गत १६ जुन मा हृदयघातका कारण मृत्‍यु भयो । उनी गत ३ जुनमा युएई आएका थिए । भिजिट भिषामा आएका उनी काम खोजेर यतै बस्ने तयारीमा थिए । कोठामा दिउँसो १२ बजे अकस्मात पिसाब गर्न अप्ठेरो भएका मेचे सिकिस्त बनेपछि तुरुन्तै एम्बुलेन्समा उपचारको निमित्त  शारजाहको कासमिया हस्पिटल पुर्याए पनि हस्पिटल पुर्याउनु पुर्व नै मेचेको निधन भएको थियो ।

मृतकका दाजु अमित मेचे युएई मै थिए । तर पनि उनले आफ्ना भाईलाई दलाल मार्फत झिकाउनु बाध्यता थियो । किनकी नेपाल सरकारले भिजिट भिषामा खाडी राष्ट्र जान कडाइ गरेको छ । तिनै नेपाल सरकारका कर्मचारीलाई घुस खुवाएर युएई आउन भने छुट छ । दैनिक सयौको संख्यामा भिजिट भिषामा युवा युवतीहरु खाडी आईनै रहेका छन । 

भिजिट भिषामा आएका कारण उनको शबलाई नेपाल पठाउन लाग्ने खर्च (झण्डै ३ लाख रुपैयाँ) मृतकका आफन्तले नै बेहोर्नु पर्ने देखिन्छ । नेपाल सरकारसँग खर्च गर्ने उक्त रकमको बजेट छैन । गैर कानुनी ढंगले मेचेलाई युएई पठाउने दलाललाई पनि उक्त जिम्मेवारीले छुदैन । २५ प्रतिशत तलव बृद्दीका मात लागेका त्रिभुवन एअरपोर्टमा बस्ने अध्यगमनका घुसखोरी कर्मचारीलाई त छुने कुरै भएन । तसर्थ युएईमै भएका नेपालीहरुका संघ संस्थाहरुको काँधमा उक्त जिम्मेवारी थपिएको छ ।  

फ्री भिषा फ्री टिकट भन्दै भिजिट भिषामा पठाउदै सरकार

सरकार फ्री भिषा फ्री टिकट भन्दै भिजिट भिषामा युवायुवतीहरुलाई युएई धपाउदैछ । अहिले युएईका प्रतिष्ठित कम्पनीहरुमा भिजिट भिषामा काम खोज्नेहरुको लर्को देख्न सकिन्छ । महिना महिनामा नेपाल गएर कामदार ल्याउने कम्पनीहरुले युएईमै कामदार पाउन थालेका छन । नेपाल सरकारले तोकेको कानुनी प्रकृया झन्झटिलो मान्ने उनीहरुले अब कुनै शर्त मान्न जरुरी छैन । नेपाल सरकारले तोकेको तलव, सेवा सुबिधाका शर्तहरु मान्न जरुरी छैन । कम्पनीको अन्य बिबिध खर्च जोगिएको छ । सहज रोजगारी कठिन बन्दै गएको बेला नेपालीहरु जस्तो पनि काम गर्न तयार हुनुले कम्पनीलाई सेवा शर्त तोक्न झनै सजिलो बनेको छ । कामदारहरुको तलवबाट भिषाको लागतको रकम प्रत्येक महिना काट्ने गरे पनि काम गर्नु पर्ने कामदारहरुको बाध्यता छ ।  

यसको मारमा म्यानपावर ब्यवसायीहरु समेत परेका छन । युएईका कम्पनीले युएईमै नेपाली कामदार पाउन थाले पछी नेपालका म्यानपावर कम्पनीलाई कामदार माग गर्न छाडेका छन । पठाउनेले त पठाइरहन्छ किनकी त्यसरी आँखा चिम्लेर जानेहरु उनीहरुका लागि सुनको फुल पार्ने कुखुरा नै हुन । तर त्यसरी कुखुरा हुन तम्यतार हुनेहरु सचेत हुन उत्तिकै जरुरी छ । 

सरकार, यो बेथितिलाई रोक्न ढिलो भएन ? कि यो कमाउ धन्दा चलि नै रहनेछ ? 

यो पनि पढ्नुहोस्  

साउदीको २० हजारको जागिर छोडेर फर्केर नेपालमै महिनामा एक लाख कमाउँदै


फेसबुकबाट तपाईको प्रतिक्रिया

  • 1
  • 2
Prev Next

श्रमिकका छोराछोरीलाई छात्रबृत्ति, उत्कृष…

श्रमिकका छोराछोरीलाई छात्रबृत्ति, उत्कृष्ट यूनियनलाई पुरस्कार

काठमाडौं, मंसीर १३ नेपाल स्वतन्त्र होटल, क्यासिनो तथा रेष्टुरेण्ट मजदुर यूनियन(नेस्वहोमयू) को ३६ औं स्थापना दिवस भव्य कार्यक्रमका साथ मनाइएको छ । ३६ औं स्थापना दिवसका अवशरमा केक काटिएको थियो भनें उत्कृष्ट तथा सर्वोत्कृष्ट यूनियनहरुलाई...

माओवादी यूनियन परित्याग गरी ७५ जना जिफन्…

माओवादी यूनियन परित्याग गरी ७५ जना जिफन्ट प्रवेश

काठमाडौं, कात्तिक २७– ७५ जना सुरक्षा मजदुर अखिल नेपाल सेक्यूरिटी मजदुर संघ परित्याग गरी नेपाल ट्रेड यूनियन महासंघ(जिफन्ट) आवद्ध नेपाल सुरक्षा श्रमिक ट्रेड यूनियनमा प्रवेश गरेका छन् । काठमाडौंमा आयोजित एक कार्यक्रममा उनीहरु जिफन्ट प्रवेश...

श्रमिकका समस्या समाधान गर्न म प्रतिवद्ध …

श्रमिकका समस्या समाधान गर्न म प्रतिवद्ध छुः प्रधानमन्त्री प्रचण्ड

काठमाडौं, कात्तिक २७  प्रधानमन्त्री पुष्पकमल दाहाल ‘प्रचण्ड’ले मजदुर वर्गका समस्या समाधान गर्न आफू गम्भीर रहेको बताएका छन् । शनिबार बिहान बालुवाटारमा पार्टीको भातृ संगठन अखिल नेपाल ट्रेड यूनियन महासंघको कार्यालय टिमसँग प्रधानमन्त्रीले मजदुरका समस्या समाधान गर्न...

म सकेसम्म मजदुरको पक्षमा लड्नेछु : साँसद…

म सकेसम्म मजदुरको पक्षमा लड्नेछु : साँसद अधिकारी 

  काठमाडौं, कात्तिक ११– व्यवस्थापिका संसद अन्तर्गतको विकास समितिका सभापति रविन्द्र अधिकारीले अव आउन लागेको यातायात सम्वन्धि ऐनमा मजदुरलाई अन्याय हुने विषय पर्न नदिने प्रतिवद्धता जनाएका छन् । उनले ऐनमा मजदुर विरोधि विषय आउन नदिने आफ्नो...

काठमाडौंमा सुरु भयो यातायात मजदुरको तालि…

काठमाडौंमा सुरु भयो यातायात मजदुरको तालिम

  काठमाडौ, कात्तिक ३ यातायात मजदुरको क्षमता एवं नेतृत्व विकाससम्बन्धी अन्तराष्ट्रियस्तरको तालिम सुरु भएको छ । अन्तराष्ट्रिय यातायात मजदूर महासंघ (आईटिएफ)को आयोजनामा दक्षिण एशियाली देशका यायायात क्षेत्रका मजदूर तथा नेताहरुको सहभागीतामा ३ दिने तालिम सुरु भएको हो ।  तालिमको...

'हायर एण्ड फायर' तथा 'नो वर्क नो पे' को …

'हायर एण्ड फायर' तथा 'नो वर्क नो पे' को विरुद्धमा उत्रियो ट्रेड यूनियन महासंघ 

काठमाडौं, असोज २१  गत हप्ता संसदले पारित गरेर लागु हुने प्रकृयामा रहेको औद्योगिक व्यवसाय ऐनले श्रमिकको अधिकार कुण्ठित गरेको भन्दै नेपाल ट्रेड यूनियन महासंघ(जिफन्ट) त्यसको विरोधमा उत्रिएको छ । महासंघ अध्यक्ष विष्णु रिमालले सो ऐन प्रमाणिकरण...

एयरपोर्टका मजदुर आन्दोलनमा, नागरिक उड्डय…

एयरपोर्टका मजदुर आन्दोलनमा, नागरिक उड्डयन प्राधिकरणको कार्यालयमा दुई घण्टा घेराउ

   काठमाडौं, असोज १९   दशैं पेश्की पाउनु पर्ने लगायतका माग राख्दै त्रिभुवन विमानस्थलमा कार्यरत श्रमिक आन्दोलनमा उत्रेका छन् । त्रिभुवन विमानस्थलमा कार्यरत ३ सय ५० श्रमिक जिफन्ट आवद्ध युनिट्राभ एयरपोर्ट ईलाका कमिटीको नेतृत्वमा आन्दोलनमा उत्रेका हुन्...

सेवा कटौतिको विरोध गर्दै रिले अनसन

सेवा कटौतिको विरोध गर्दै रिले अनसन

झापा, भदौ २२–  खाइपाइ आएको सेवा सुविधा कटौती गर्न नपाइने लगायतका माग राख्दै गिरीवन्धु टी ईष्टेट, झापाका श्रमिकले रिले अनसन सुरु गरेका छन् । भदौ २२ गते सुरु भएको अनसन असोज १ गतेसम्म चल्नेछ ।  गत...