युएईमा सराहनिय काम, सहयोगका लागि सदैव तत्पर राम  

 

मेघराज सापकोटा, युएई- 

गत महिना, २८ नोभेम्बर सोमबारका दिन राम तामाङ जीलाई लिएर मेरो नियमित स्वास्थ्य परिक्षणको लागि दुबई आएको थिएँ । स्वास्थ्य परिक्षणको क्रममा कहिलेकाहिं फर्कने बेला गाडी कुदाउन नहुने हुनाले म कोही न कोही साथी लिएर आउने गर्दछु । त्यसदिन खासै समय खर्च भएन अस्पतालमा । चाडै फर्कियौ । 

बाटोमा रसअल खैमहतिर फर्कदै गर्दा यसो एक दुई फोन हानौ न त साथीहरु कहाँ कहाँ ब्यस्त छन, हालखबर सोधौ भनेर फोन हानियो । हामी नेसनल पेन्ट्स निर पुगेका थियौ । पहिलो फोन पत्रकार महासंघ युएई शाखाका सचिव लक्ष्मण खनाललाई । उनी पनि नजिकै रहेछन । भेटौ न भन्ने कुरा भो । कहाँ भेट्ने ? नजिकै भरखर खुलेको एनआरएनएका पूर्व महासचिव सन्तोष प्रसाईलाई फोन गरियो । नेसनल पेन्ट्समा उनले भरखरै एउटा रेस्टुरेन्ट खोलेका छन, खाना स्वादिष्ट छ । 

हामीले झण्डै आधा घण्टा कुरे पछी प्रसाई जी पनि हाजिर भए, सचिव खनाल पनि टुप्लुक्क । समसामयिक बिषयमा कुरा हुँदै थियो । खनाल जीले भने, 'यहाँ अलपत्र परेका नेपाली भाइहरु छन रे, भेटौ न ।' उनीहरु कहिले पार्क, कहिले मस्जिद त कहिले बाटोको पेटीमा सुत्दा रहेछन । केहीदिन पहिले मात्र एकजना पाकिस्तानीले पार्कमा सुतिरहेको अवस्थामा भेटेको भन्ने जानकारी गराएकोले नेपाली जनप्रगतिशिल मोर्चाका कमल पोखरेलले आफ्नो कोठामा लगेका रहेछन ।

हामीले ती भाईहरुलाई फोन गर्यौ । यसरी अलपत्र पर्नेमा झापाका बेनु राई, मोरङ्गका सागर राई र सुनील लिम्बु रहेछन । उनीहरु सोही दिन मोर्चाका साथीहरुले मिलेर केही रकम सहयोग गरेपछी दुताबास गएका रहेछन । भेट्नको लागि झण्डै १ घण्टा कुर्न पर्‍यो । 

मैले अर्को दिन आउन गरेको अनुरोध राम तामाङले नकार्नु भो । लक्ष्मण खनालले पनि भेटेरै जाने अड्डी कसे । सन्तोष जीले पनि 'हैट, कहाँ हुन्छ नभेटी जाने' भने पछी करिब ९ बजे तिर उनीहरुलाई सोही पार्कमा भेटियो जहाँ उनीहरुको घर थियो केही दिन अघिसम्म ।

चेहरामा एक किसिमको त्रास थियो । मुस्कान कुन चरीको नाम हो बिलकुल थाहा थिएन । दुबई आउन भनेर साहुसँग लिएको १ लाख ऋणको ब्याज पाकिरहेको थियो । उता घरमा परिवारको आश यता छोराको बाटोको बास । थियो त एक प्याकेट खब्बुसको साथ । 

हामीले पीडितका कुरा सुनिरहयौ । मोर्चाका साथीहरुले निकै सहयोग गर्नु भएको रहेछ । हामीले धेरै कुरा सोध्यौ । राम तामाङले खासै सोधेनन बरु ध्यान दिएर सुनिरहे ।  

त्यसको एक हप्ता पछी आज, हामी हेरिरहयौ, उनी दगुरीरहे । राम जीले दिन भनेनन, रात भनेन । ३ दिन लगातार युएईको श्रम अदालत धाए । समय मिल्ने र भ्याउने अग्रजहरुको समय पनि लिए । हिजो ४ डिसेम्बरको बेलुकाको ९ बजे उनी श्रम अदालत मै थिए ।

पछिल्लो जानकारीको लागि रातको झण्डै ११ बजे राम जीलाई फोन गरेँ । 'सर म त गाडीमा सुतिरहेको छु शारजाहमा' किन मैले सोधे । 'रातको २ बजे ईन्द्रराज पौडेल जी नेपालबाट आउँदै हुनुहुन्छ, उहाँलाई उठाएर रस अल खैमह छोड्दा बिहानको ५ बज्छ । फेरी भोली १० बजे शारजाहको श्रम अदालत आईपुग्नु छ' कस्तो निस्वार्थ सहयोग ! मेरो शीर निहुरिरहयो । मैले जिद्दी गरेर त्यो दिन उनीहरुलाई नभेटी रसअल खैमह आएको भए शायद उनीहरुले यो सहयोग पाउने थिएनन होला । आफैंलाई गाली गरेँ । पश्चाताप भयो ।

अलपत्र परेका ती तीनजना नेपाली आगामी १० डिसेम्बरका दिन नेपाल फर्कदै छन । उनीहरुले फ्री भिसा फ्री टिकटको नाममा तिरेको १ लाख १५ हजार अझै फर्काउन बाँकी छ । ४ महिनाको ओभरटाइम, खेर गएको समय र बाटोमा सुत्नु पर्दाको मानसिक यातनाको क्षतिपुर्ति दिलाउने अर्को 'राम' नेपालमा खोज्नु छ । युएईबाट जे जती गर्न सकियो त्यसको लागि नेपाली समाजका चन्द्र प्रसाद सापकोटा दाई, पत्रकार महासंघका लक्ष्मण खनाल, मोर्चाका कमल पोखरेल, रमाकान्त बाँस्तोला लगायतका साथीहरुलाई मेरो नमन छ । राम तामाङ भन्छन, 'हेर्नुस् श्रम अदालतमा सिपी दाई नभएको भए यसै भन्न सकिने थिएन । उहाँको हात ठुलो छ भाईहरुलाई उद्दार गर्न ।' जस सिपी दाईलाई नै दिए ।      

ईन्द्रराज पौडेल हाम्रो हितैसी साथी । पत्नी बियोगमा हुनुहुन्छ । झण्डै २५ लाख रुपैया खर्च गरेर १ महिना जती आईसीयुमा राख्दा पनि उहाँकी प्राणप्यारी, हाम्री भाउजु यो धर्तीमा रहिनन । राम जीसँग मेरो केही रकम लेनदेन थियो । केही दिन अघि उहाँले भन्नु भो, 'सर पैसा त ईन्द्र जीलाई पठाउदै छु' कसरी हुन्न भन्ने ?

रसिदिया अस्पतालमा ४ महिना देखी घाइते भई लडेका कमल हुन या दीपक, घरेलु कामदारको पिडामा साथ होस् कि सिरियामा अलपत्र परेकी चेली हुन उनले सहयोग गरेकै छन ।     

यिनै राम हुन जसको सकृयातामा एनआरएनए, रस अल खैमहको साथमा रस अल खैमहमा ऐतिहासिक कार्यक्रम गरी युएईको नेपाली समाजमा सहयोग पुर्याउने ७ जना समाजसेवीहरुलाई सम्मान गरेका थिए । उनले अहिलेसम्म सम्मान खोजेका छैनन । समाचारमा नाम आएन भनेर रिसाउने धेरै 'समाजसेवी'हरु देखेको छु तर रामले कहिल्यै गुनासो गरेनन ।

भनिन्छ जसले समाजजेवा गर्छ उसले आफूले गरेको कुराको प्रचार खोज्दैन । हो यहि गुण छ रामसँग । खै थाहा छैन, मैले उनका बारेमा यति लेखेकोलाई पनि उनले कसरी लिने हुन् ? तर मैले जे देखे त्यहि लेखेको हुँ । प्रयत्न गरेर प्रप्त उपलव्धीमा सामुहिकताको भावना भेटें मैले उनमा । युएईको राष्ट्रिय दिवसको दिन गत डिसेम्बर २ तारिकमा युएईमा नेपाली झण्डा फहरायो । यसमा उनको भूमिका सवैभन्दा बढी थियो । तर पनि प्रफुल्ल उनी भन्दैथिए,  मेघराजजी, यो हाम्रो टीमवर्कका कारण सम्भव भएको हो । हो, त्यहाँ पनि उनी 'जस' सवैलाई बाँड्दै थिए । 

अन्तराष्ट्रिय नेपाली कलाकार समाज (ईनास) का उपाध्यक्ष गोपी कृष्ण पङ्गेनीले एक दिन भनेको कुरा अहिले पनि मेरो मानसपटलमा झलझली आउँछ( यी 'राम' राम मात्रै हैनन 'भगवान राम' हुन । त्यसो भए म पनि भन्छु, 'सधैं पूजा गरिरहन पाउँ ।'

युएईमा अलपत्र भिडियो हेर्नुहोस् 


फेसबुकबाट तपाईको प्रतिक्रिया

  • 1
  • 2
Prev Next

यूनीप्रेस नेपालको चौथो महाधिवेशन सम्पन्न

यूनीप्रेस नेपालको चौथो महाधिवेशन सम्पन्न

काठमाडौं, चैत्र २५- यूनियन अफ प्रेस एण्ड एलाइड वर्कस नेपाल (यूनीप्रेस)े को चौथो संघिय महाधिवेशन काठमाडौमा सम्पन्न भएको छ । महाधिवेशनले सुबर्णजंग सिजापतिको अध्यक्षतामा ३१ सदस्यीय नयाँ संघिय (केन्द्रिय) समिति सर्वसम्मत रुपमा चयन गरेको छ । समितिको...

निर्माण मजदुर संघको नयाँ नेतृत्व चयन गर्…

निर्माण मजदुर संघको नयाँ नेतृत्व चयन गर्दै सकियो राष्ट्रिय भेला

  काठमाडौं, चैत्र ५- अखिल नेपाल निर्माण मजदुर संघको पाँचौं राष्ट्रिय भेला सम्पन्न भएको छ । माओवादी केन्द्र निकटको अखिल नेपाल ट्रेड युनियन महासंघ आवद्ध निर्माणकर्मीहरुको सो संघको राष्ट्रिय भेलाले नयाँ नेतृत्व पनि चयन गर्यो । भेलाले संघको...

जहाँ पुरुषलाई २५ प्रतिशत आरक्षण छ

जहाँ पुरुषलाई २५ प्रतिशत आरक्षण छ

काठमाडौं, फागुन २४- नेपालमा राज्यका निर्वाचित निकायहरुमा महिलाको प्रतिनिधित्व बृद्धिका लागि ३३ प्रतिशत आरक्षणको व्यवस्था छ । यहि व्यवस्थाका कारण पछिल्लो समयमा राज्यका निर्वाचित निकायहरुमा महिलाको प्रतिनिधित्वमा उल्लेख्य रुपमा बृद्धि भएको छ । केन्द्रीय तथा प्रादेशिक...

यस्तो छ नयाँ श्रम ऐन(ऐन सहित)

यस्तो छ नयाँ श्रम ऐन(ऐन सहित)

काठमाडौं- श्रमिकलाई सामाजिक सुरक्षा सहितको श्रम ऐन २०७४ यसअघिको श्रम ऐन, २०४८ भन्दा धेरै कुरामा श्रमिक मैत्री देखिएको छ । सञ्चयकोष, उपादान लगायतका विषयमा नयाँ श्रम ऐनले प्रष्ट व्यवस्था गरेको छ । यसैगरी नयाँ ऐनले अन्य श्रमिक...

१५ हजारको जागिर नपाएका लामिछाने महिनामै …

१५ हजारको जागिर नपाएका लामिछाने महिनामै डेढ लाख कमाउँदै

  निमदत्त सुवेदी, पोखरा  पढाइ सकेपछि जागिर खोज्न निक्कै भौतारिए सूर्यप्रसाद लामिछाने। पोखरा–लेखनाथ महानगरपालिका–३१ बेगनासतालका उनले जति प्रयत्न गरे पनि जागिर पाउन सकेनन्। अन्तत उनी निष्कर्षमा पुगेः मौरी पालन गर्ने। १५ हजार रुपैयाँको जागिर खोज्दै हिँडेका लामिछाने अहिले...

श्रम विधेयक संसदबाट पारीत

श्रम विधेयक संसदबाट पारीत

  काठमाडौ– व्यवस्थापिका संसदले श्रम विधेयक पारीत गरेको छ । संसदको शुक्रवारको बैठकले सो विधेयक पारीत गरेको हो । विगत लामो समयसम्म छलफल भई संसदको अन्तराष्ट्रिय सम्वन्ध तथा श्रम समिति हुँदै सो विधेयक संसदको बैठकमा पुगेको...

रोजगारी पाउनु भएन ? अवशर छन्

रोजगारी पाउनु भएन ? अवशर छन्

काठमाडौं- तपाई कामको खोजीमा हुनुहुन्छ ? तर पाउनु भएको छैन ? उपाय धेरै छन् शहरमा । शहरमा युवाका लागि तालिम दिने संस्थामा जानुभयो भनें तपाईका लागि उपयुक्त तालिम र तालिमपछि रोजगारी पाइन सक्छ । यसरी नै...

सीप हुनेलाई स्ववदेशमै छ रोजगारी 

सीप हुनेलाई स्ववदेशमै छ रोजगारी 

  काठमाडौं- भक्तपुरका रमेश बाखु हाउस वायरिङ्गको काम गरेर महिनामा १५ हजार बचत गर्छन् । उनले यस्तो काम थालेको एक बर्ष मात्र भयो । ‘बिजुलीको काम सधैं नहुनसक्छ, तर कहिलेकाँहि त मारामार हुन्छ ।’ उनी भन्छन्...