उनलाई मलेसियामा कहिं देख्नु भएको छ की ?

रञ्जना लम्साल, कावासोती, भदौ ४-

श्यामलाल सुनार कमाउन मलेशिया पसेको दुई बर्ष भयो । बिनयी त्रिवेणी गाउँपालिका वडा नं ३ का श्यामलाल मलेशियाको एभरबेष्ट भर्ग नामको कम्पनीमा कार्यरत थिए । नेपालमा भनिएको काम र तलव नपाए पछि उनले भागेर काम गरे । परिवारको एक्ला छोरा श्यामलाल भागेर काम गरेको वुवा केशर सुनारलाई थाहा थिएन । तर ८ महिना देखी उनी परिवारको सम्पर्कमा छैनन् ।

मलेशिया गएर उनले कमाएर घरमा एक लाख पठाए । त्यो उनी मलेसिया जाँदा लागेको खर्च बरावर पनि होइन । उनी १ लाख १० हजार तिरेर मलेसिया गएका थिए ।

पहिला कुराकानी हुँदा काम गाह्रो छ, ज्यानभरी दाद आएको छ भनेर भन्ने गरेका थिए उनले । छोराको कुरा सुनेर बाबु केशरले घर फर्कि समेत भने । तर श्यामलालले आफू विदेश आइसकेपछि केहि कमाएरै आउँछु भन्ने गरेको बाबु केशर बताउँछन् । सुरुमा गएको कम्पनी छोडेर भागेर काम गर्दा आइपर्ने समस्याका बारेमा बाबु केशरलाई थाहा थियो । त्यसैले उनले छोरालाई साथीहरुले भागेर काम गर भनेर भन्लान, तर जति हुन्छ त्यहि कम्पनीमा काम गर्नु भन्दै छोरालाई सम्झाउने गर्दथे ।

केशर बहादुरका ३ छोरी १ छोरा हुन् । भएको एउटा छोरा पनि मलेशियाबाट नफर्किएपछि श्यामलालकी आमा बिरामी जस्तै भएकी छन् । श्यामलाल भागेर काम गर्ने गरेको दाङतिरका एकजना उनकै साथिले परिवारलाई जानकारी दिएका हुन् । तपाईको छोरो एकदम बिरामी भएको छ भनेर तिनै व्यक्तिले खबर गरेपछि मात्र परिवारले उनी भागेर अन्यत्रै काम गर्न थालेको थाहा पायो । छोरा बिरामी छ भन्ने सुनेपछि उनीहरुले छोराको नाममा ग्रह कटाउन पुजापाठ पनि गरे ।

छोरालाई असाध्यै बिरामी परेको भन्ने थाहा पाएपछि केशर बाहादुरले मलेशियामा रहेका श्यामलालको मामालाई भेट्न आग्रह गरे । बिदेशको ठाउँ भन्ने बित्तिकै बिदा नपाउने । आफ्नो बिदा मिलाएर जाँदा श्यामलाल हस्पीटलबाट भागिसकेको जानकारी उनका मामाले परिवारलाई दिए ।

श्यामलाल भागेर काम गर्दा उनको नाम परिवर्तन गरि सविन खड्का भन्ने राखिएको थियो । श्यामलालको साथि दाङका चेतनसँग कुराकानी गर्दा उनी मलेसियामा 'सविन खड्का' भनेर चिनिने गरेको, निक्कै बिरामी परेर दुब्लो भएको र उपचारको लागि हस्पीटल भर्ना गरिदिएकोसम्म मात्र आफूलाई थाहा भएको त्यसपछि उनी कहाँ के गर्दैछन् भन्ने थाहा नभएको बताए ।

श्यामलाल (सबिन ) ले भागेर मलेशियाको सामसुङ्ग ईलेक्ट्रोनीक्स भन्ने कम्पनीमा ४ महिना काम गरे । ४ महिना काम गरेपछि उनी बिरामी परे । केहि समय नजिकैको मेडिकलबाट औषधी खाए तर सुधार नभएपछि कम्पनीको सुपरभाईजर बिजय शाहले केलाङ्गको केलाङ्ग अस्पतालमा उपचारका लागि भर्ना गरेका थिए ।  तर उपचारको लागि लगेको ४ दिन पछि उनी आफै अस्पतालबाट भागेको र हालसम्म पनि श्यामलाल (सविन) का बारेमा आफुलाई केहि थाहा नभएको शाहले बताए । 

सुचना केन्द्र कावासोतीमा छोरा हराएको निबेदन दिन आईपुगेका केशरले श्यामलालकी आमाले छोरा नआए म बाँच्नुको अर्थ छैन भन्दै रुने गरेको र आफुलाई छोरा कसरी खोज्ने भन्ने जानकारी नभएकाले सुचना केन्द्रमा आएको बताए । उनले भने "म त दिनभर ईरिक्सा चलाएर हिंड्छु काम गर्दा दिन कट्छ । तर उसकी आमाको समय भनें छोरालाई सम्झदै रोएर नै वितिरहेको छ ।"

तपाईले यो तस्वीरमा देखिएका श्यामलाल सुनार (सविन खड्का) लाई देख्नु भएको छ ? यदि उनका बारेमा तपाईसँग कुनै जानकारी भएमा परिवारलाई ९८००७५७३९४, ९८६९४२८२९२ सम्पर्क गरिदिनु होला । अथवा सुचना केन्द्र कावासोतीको फोन नं ०७८५४०३११ मा सम्पर्क गरेर पनि उनका बारेमा जानकारी गराइदिनु सक्नुहुन्छ ।

यो पनि पढ्नुहोस् आमा भन्छिन्ः कुखुरा जुध्दा पनि मेरो छोरो परदेशबाट आइपुग्यो झैं लाग्छ


फेसबुकबाट तपाईको प्रतिक्रिया

  • 1
  • 2
Prev Next

लागु भएन न्यूनतम ज्याला, आन्दोलन सुरु गर…

लागु भएन न्यूनतम ज्याला, आन्दोलन सुरु गर्ने ट्रेड युनियनको चेतावनी

काठमाडौं, मंसीर २०- गलैंचा उद्योग तथा निकाशीकर्ताले सरकारले बृद्धि गरेको न्यूनतम तलव उपलव्ध नगराएपछि त्यसको विरुद्धमा ट्रेड युनियनहरुले आन्दोलनको चेतावनी दिएका छन् । नेपाल ट्रेड युनियन महासंघ(जिफन्ट आवद्ध जुट गार्मेण्ट कार्पेट टेक्सटायल मजदुर युनियन, नेपाल तथा...

सुचना प्रविधि श्रमिकका लागि समस्या की अव…

सुचना प्रविधि श्रमिकका लागि समस्या की अवसर ?

काठमाडौं, मंसीर २- नेपाल र नेपाली श्रमिकका लागि बढ्दो सुचना प्रविधिको प्रयोग समस्या हो वा अवसर ? अनी वर्तमान अवस्थामा यसको प्रयोग कसरी भइरहेको छ अनी भविषयमा अव के होला त ? यस बारेमा नेपाल ट्रेड...

सामाजिक सुरक्षा योजनाको सुविधाको प्रस्ता…

सामाजिक सुरक्षा योजनाको सुविधाको प्रस्ताव तयार, एकडेढ महिनाभित्रै सूचिकरण सुरु गर्ने तयारी

काठमाडौं, भदौ २४- सामाजिक सुरक्षा कोषमा श्रमिक र रोजगारदाता सूचिकरणको काम अन्तिम चरणमा पुगेको छ । अव ढिलोमा एक डेढ महिना भित्रमै सूचिकरण सुरु गर्ने तयारीमा कोष पुगेको छ । कोषका कार्यकारी निर्देशक श्यामराज अधिकारीले सूचिकरणका...

आपूर्तिकर्ता मार्फत लिने श्रमको सूची बना…

आपूर्तिकर्ता मार्फत लिने श्रमको सूची बनाउन समिति गठन, कानूनमा नमिलेका कुरा मिलाइने

काठमाडौं, साउन ११- सरकारले कुन क्षेत्रको श्रममा आपूर्तिकर्ता मार्फत श्रमिक लिन पाउने भन्ने सूची बनाउने भएको छ । शुक्रवार श्रम रोजगार तथा सामाजिक सुरक्षा मन्त्रालयमा बसेको केन्द्रीय श्रम सल्लाहकार परिषदको बैठकले यसको सूची बनाउन कार्यदल नै...

साउन देखि १३ हजार ४ सय ५० भन्दा कम तलव द…

साउन देखि १३ हजार ४ सय ५० भन्दा कम तलव दिन नपाइने

काठमाडौं, असार २५- सरकारले नेपालमा कार्यरत श्रमिकको न्यूनतम ज्याला प्रतिमहिना १३ हजार ४ सय ५० तोकेको छ । यसैगरी साउन देखि दैनिक ज्याला ५ सय १७ तथा प्रतिघण्टा ज्याला रु ६९ भएको छ । रोजगारदाताहरु तथा ट्रेड युनियनहरुबीच...

यूनीप्रेस नेपालको चौथो महाधिवेशन सम्पन्न

यूनीप्रेस नेपालको चौथो महाधिवेशन सम्पन्न

काठमाडौं,  यूनियन अफ प्रेस एण्ड एलाइड वर्कस नेपाल (यूनीप्रेस)े को चौथो संघिय महाधिवेशन काठमाडौमा सम्पन्न भएको छ । महाधिवेशनले सुबर्णजंग सिजापतिको अध्यक्षतामा ३१ सदस्यीय नयाँ संघिय (केन्द्रिय) समिति सर्वसम्मत रुपमा चयन गरेको छ । समितिको सह-अध्यक्ष अर्जुन...

निर्माण मजदुर संघको नयाँ नेतृत्व चयन गर्…

निर्माण मजदुर संघको नयाँ नेतृत्व चयन गर्दै सकियो राष्ट्रिय भेला

  काठमाडौं,  अखिल नेपाल निर्माण मजदुर संघको पाँचौं राष्ट्रिय भेला सम्पन्न भएको छ । माओवादी केन्द्र निकटको अखिल नेपाल ट्रेड युनियन महासंघ आवद्ध निर्माणकर्मीहरुको सो संघको राष्ट्रिय भेलाले नयाँ नेतृत्व पनि चयन गर्यो । भेलाले संघको केन्द्रीय अध्यक्षमा...

जहाँ पुरुषलाई २५ प्रतिशत आरक्षण छ

जहाँ पुरुषलाई २५ प्रतिशत आरक्षण छ

काठमाडौं,  नेपालमा राज्यका निर्वाचित निकायहरुमा महिलाको प्रतिनिधित्व बृद्धिका लागि ३३ प्रतिशत आरक्षणको व्यवस्था छ । यहि व्यवस्थाका कारण पछिल्लो समयमा राज्यका निर्वाचित निकायहरुमा महिलाको प्रतिनिधित्वमा उल्लेख्य रुपमा बृद्धि भएको छ । केन्द्रीय तथा प्रादेशिक संसद तथा...