देश छोडेर बस्नु पर्दाका व्यथा, जीवनसाथि, घर, परिवारसंगको बिछोड नै हाम्रा गीत हुन्

नेपालबाट दैनिक रुपमा कामका लागि विदेश उड्नेको संख्या १५ सय भन्दा माथि छ । त्यसमध्ये अधिकाँश मलेसिया र खाडीका मुलुकहरुमा जान्छन् । त्यसरी जानेमध्ये कतिपय नेपालमै कलाकारितामा आफूलार्ई निखार्दै गरेकाहरु हुन्छन् भनें कतिपय विदेशमा पुगिसकेपछि त्यसमा लाग्छन् । त्यसैले पछिल्लो समयमा प्रवासमा सिंगिंग आइडल जस्ता कार्यक्रम समेत बाक्लै हुन थालेका छन् । गोपीकृृष्ण पंगेनी प्रवासमा, अझ खासगरी युएईमा चिनिएको नाम हो । मिठो स्वरका धनी गोपीकृष्ण युएईमा हुने कार्यक्रमहरुका नियमितजसो गायक हुन् । उनले सयौं स्टेज कार्यक्रममा आफ्नो कला प्रस्तुत गरिसकेका छन् । केहि समय अघि परदेशीका कुरा समेटिएको एल्वम 'म त परदेशी' श्रोतामाझ ल्याएका  गोपीकृष्ण पंगेनीसँग देशपरदेश डटकमका लागि गरिएको कुराकानी । तपाईको जन्म, पढाई र सुरुवाती समयका बारेमा बताइदिनुस् न मेरो जन्म स्यांजा जिल्ला स्वरेक गाविस वार्ड नं. १ महापुरमा भएको हो । त्यही गाउँको विद्यालय श्री राजेन्द्र भवानी उमाविमा मैले अध्ययन गरे । परिवारका बारेमा ? २ छोरी मेरी, उनी, आमा र दुई ओटा भाइ छन् । बाबा चाही यो संसारमा हुनुहुन्न । दिदी एक, बहिनी एकको विवाह भै सक्यो । Gopi 1 तपाईको साँगितिक जीवनको सुरुवात कसरी भयो ? म सानो छँदा नै गीत गाउँथे । मेलापात, घाँस दाउराको सबै अनुभव छ मलाई । जहाँ पुग्थे गीत गुन्गुनाउँथे । रोधी बस्ने चलन चल्ती थियो गाउँघरमा । गाउँमा मादल खसेर बज्यो भनें पनि म त्यो ठाउँमा पुग्थे । अझ स्वस्थानी पूजाको बेलामा त झनै मन खुशी हुन्थ्यो । एक महिना नै रोधि बस्न पाइन्थ्यो, गीत गाउन पाइन्थ्यो । आमाको पछेउरा ओडेर रोधी घरमा दोहोरीमा हुने त्यो घम्सा घम्सी, त्यो बाल्यकाल सम्झना अझै पनि ताजा छ । मेरो गायनको यात्रा त्यहिंबाट सुरु भयो । जीवनमा संगीतको भूमिका के छ ? सुख दुःखको साथी हो संगीत । बुझाई आ आफ्नै हुन्छ । परदेश कहिले र के कारणले लाग्नुभयो ? बाबाले होटल गर्नुहुन्थ्यो काठमाडौंमा । बाबाको बुढेस कालसँगै अरु धेरै कुराहरु आए । समय फेरियो । आवश्यकताले डोेर्याउन थाल्यो । देशमा शान्ति थिएन । रोजगार थिएन । त्यसैले अरु लाखौं युवा झैं पनि पनि थुप्रै सपना बोकेर सन् २००३ मा दुवई छिरेको हुँ । Gopi 2 त्यहाँ पुगेपछि पनि कसरी जोडिइरहनु भयो संगीतमा ? नेपाली गीत संगीतको सम्मान थियो । हरेक हप्ता कार्यक्रम हुन्थे । थकान मेट्न जम्मा भएका नेपालीलाई गीत सुनाउन थालियो । किनकी प्रवासमा नेपाली गीतसंगितलाई माया गर्नेहरुको ठूलो जमात हुन्छ । कामका लागि विदेश हिंडेको मान्छे, गीत, संगीतलार्ई कसरी सँगै लैजादै छ ? यो धेरै गहिरो कुरा हो । कतिपय अवस्थामा धेरैकुरामा अप्ठ्यारो पर्छ । आयोजक र आफु काम गर्ने कम्पनीबीच कुनै साइनो सम्वन्ध हुन्न । महिनाको यति दाम भनेर बेचिएका मान्छे पर्यौ हामी त । तर पनि जहाँ समस्या त्यहाँ उपाय त भइहाल्छ नी । त्यसरी नै दुःख सुखले साँगितिक जीवन चलेको छ । परदेशमा कसरी सम्झिइन्छ कलाकारलाई ? मात्र आवश्यकता कलाकार आओस्, गाओ्स् र हाम्रो कार्यक्रम सफल होस् त्यो कलाकारको मेहनत र उसले खर्चिएको समयको कुनै मूल्य हुन्न । कतिपय कुरा त देख्दै उदेश लाग्छ । केवल स्टेजमा उभिने र अतिथिलाई व्याच लगाइदिनेहरुलाई समेत कलाकार भनिन्छ, त्यो देख्दा चैं मन खुसी हुन्न । Gopi 4 तपाईले कहाँ कहाँ कस्तो अवशर पाउनु भएको छ ? दुवईमा रहेका ९२ वटा संस्थाहरु मध्ये धेरैले बोलाउँछन् । माया, मान सम्मान दिनुभएको छ । हामीले श्रोतासम्म पुग्ने अवशर पाएका छौं । दुवई बाहिर पनि दुईवटा देशमा निम्तो पाएको थिएँ तर निम्तो मान्न जान सकिएन कारण जागिर । कस्ता शव्द, भाव समेट्नुहुन्छ गीतमा ? टिपिकल कुराहरु, जहाँ आफ्नो पनको सुवास आओस, नेपाली गीत संगितको मर्म नविग्रियोस् पछिल्लो समयमा कति कार्यक्रम हुन्छन् परदेशमा ? छुट्टीको समयमा कत्तिको व्यस्त हुनुपर्छ ? धेरै संघसंस्था छन् दुवईमा । एक दिनमै चारवटासम्म कार्यक्रम हुन्छन् । हप्तैपिच्छे कार्यक्रम भइरहन्छन् । कार्यक्रम नभएको समयमा भनें साथिभाईसागको भेटघाट, घुमघाम गरिन्छ । तपाईले आफ्नो गीतबाट कस्तो प्रतिकेया पाउनु भएको छ ? राम्रो, सुन्दर अति सुन्दर अहिलेसम्मका कार्यक्रमका मुख्य सम्झनायोग्य कुरा के छन् ? धेरै सफल कार्यक्रमहरु छन् जहाँ आफु कलाकार बनेर प्रस्तुती राखेका अनि आफै संयोजक बनेर गरिएका कार्यक्रमहरु जहा सामाजिक भावनाले गरिएका कार्यक्रमहरुमा छुट्टै किसिमको अनुभुति हुन्छ । त्यसमाथी पनि म आफै महासचिव भएको अन्र्तराष्टिय कलाकार समाज युएईले आयोजना गरेको बृहत सांस्कृतिक कार्यक्रमसंगै सम्भवत नेपाली इतिहासमै पहिलो पटक १ सय ५१ जनाले लेखेको गजल संग्रह प्रवासका अक्षरहरु विमोचन कार्यक्रम संगै मेरो गित एल्बम म त परदेशी बिमोचन गरेको थिएँ । त्यही कार्यक्रम मेरो लागि धेरै सम्झनायोग्य छ । नेपालबाट पनि कलाकारहरु आइरहन्छन् । तपाईहरुले उनीहरुबाट के सिक्ने मौका पाउनु हुन्छ ? नेपाली कला र संस्कृतिको उतार चढावहरुको बारेमा जानकारी लिने र नेपाली समकालीन सांगितिक आकाशको बारेमा सिक्ने मौका पाइन्छ । अनी उनीहरुले तपाई जस्तै प्रवासमा रहेका कलाकारहरुबाट के सिकेर जान्छन् ? उनीहरुले प्रवासमा एउटा प्रतिभा संघर्ष गरेर पनि कसरी कला र संस्कृति र आफ्नो उद्देश्य मर्न दिदैन भन्ने कुरा सिकेर जान्छन जस्तो लाग्छ । कस्ता कुरा लेखौं, गाउँ भन्ने लाग्छ तपाईलाई ? गाउँले जीवनका यथार्थता सरल र सफल बोलचालका शब्दहरु जहाँ बुझ्न सजिलो होस् त्यस्तै लेखौ र गाउँ जस्तो लाग्छ । एउटा परदेशी र उसको परिवारको मन छुने गीतमा के के हुनुपर्छ ? देश छोडेर बस्नु पर्दाका पिडा व्यथा, जीनवसाथी, घर, परिवारसंगको बिछोड र प्रवासको रोजगारीमा हुने समस्याहरु नै हुन । अहिले धेरैले परदेशीका पीडा बेचेको आक्षेप लाग्छ । तपाई पनि त्यहि भीडमा पीडा बेच्न उभिनु भएको हो ? परदेशीका पीडा बेचेको भन्न नमिल्ला । अरुले के गरे त्योसंग म सम्बन्ध राख्दिन तर मेरो यो नितान्त व्यक्तिगत कथा समेटिएको गित हो । कहि कतै त्यस्तो भयो भनेर सबै कलाकारलाई आरोप लगाउदा न्याय नहोला जस्तो लाग्छ । के खर्च उठ्छ ? दुःखका साथ भन्नु पर्छ गीत संगितमा गरेको लगानी उठेको छैन । यो मेरो मात्र समस्या होइन । तर पनि म सन्तुष्ट छु लगानी भन्दा पनि गीतसंगित प्रतिको तृष्णा मेटाएको छु । Gopi 3 अवको तपाईको साँगितिक योजना के छ ? प्रवास कै विषयबस्तु समेटेर सालैज्यो एल्बम लिएर आउदै छु र यो गित संगित को यात्रालाई निरन्तर जारी राख्ने छु । के भएमा परदेशमा रहेका प्रतिभावान कलाकारले अझ धेरै अवशर पाउनेछन् ? पहिलो कुरा त परदेशी बन्न कसैलाई नपरोस् । प्रतिभाहरुको देशमा सम्मान हुन नसक्दा र कलाकारहरु कलाकारितालाई नै पेशा बनाएर देशमा जिविकोपार्जन गर्न नसक्नुले परदेशिनु परेको हो । त्यो अवसर मिल्यो भने र परदेशमा पनि सरकारी तवरबाट कलाकारको लागि नियोग मार्फत केही पहल गरियो भने अवसरहरु पाइन्छ जस्तो लाग्छ ।

फेसबुकबाट तपाईको प्रतिक्रिया

  • 1
  • 2
Prev Next

टैंकर मजदुर आन्दोलनमा, अनिश्चितकालिन हड्…

टैंकर मजदुर आन्दोलनमा, अनिश्चितकालिन हड्तालको चेतावनी 

काठमाडौं- नेपाल आयल निगम लिमिटेडले पेट्रोलियम पदार्थ ढुवानी विनियमावली २०७३ जारी गरेर टेंकर मजदुर तथा स्वरोजगार मजदुरहरुलाई पेशाबाट विस्थापीत गर्न खोजेको भन्दै त्यसको विरोधमा टैंकर मजदुरहरु आन्दोलित भएका छन् । नेपाल यातायात स्वतन्त्र मजदुर संगठन टेंकर...

श्रमिकका छोराछोरीलाई छात्रबृत्ति, उत्कृष…

श्रमिकका छोराछोरीलाई छात्रबृत्ति, उत्कृष्ट यूनियनलाई पुरस्कार

काठमाडौं-नेपाल स्वतन्त्र होटल, क्यासिनो तथा रेष्टुरेण्ट मजदुर यूनियन(नेस्वहोमयू) को ३६ औं स्थापना दिवस भव्य कार्यक्रमका साथ मनाइएको छ । ३६ औं स्थापना दिवसका अवशरमा केक काटिएको थियो भनें उत्कृष्ट तथा सर्वोत्कृष्ट यूनियनहरुलाई पुरस्कार तथा माधव...

माओवादी यूनियन परित्याग गरी ७५ जना जिफन्…

माओवादी यूनियन परित्याग गरी ७५ जना जिफन्ट प्रवेश

काठमाडौं, कात्तिक २७– ७५ जना सुरक्षा मजदुर अखिल नेपाल सेक्यूरिटी मजदुर संघ परित्याग गरी नेपाल ट्रेड यूनियन महासंघ(जिफन्ट) आवद्ध नेपाल सुरक्षा श्रमिक ट्रेड यूनियनमा प्रवेश गरेका छन् । काठमाडौंमा आयोजित एक कार्यक्रममा उनीहरु जिफन्ट प्रवेश...

श्रमिकका समस्या समाधान गर्न म प्रतिवद्ध …

श्रमिकका समस्या समाधान गर्न म प्रतिवद्ध छुः प्रधानमन्त्री प्रचण्ड

काठमाडौं, कात्तिक २७  प्रधानमन्त्री पुष्पकमल दाहाल ‘प्रचण्ड’ले मजदुर वर्गका समस्या समाधान गर्न आफू गम्भीर रहेको बताएका छन् । शनिबार बिहान बालुवाटारमा पार्टीको भातृ संगठन अखिल नेपाल ट्रेड यूनियन महासंघको कार्यालय टिमसँग प्रधानमन्त्रीले मजदुरका समस्या समाधान गर्न...

म सकेसम्म मजदुरको पक्षमा लड्नेछु : साँसद…

म सकेसम्म मजदुरको पक्षमा लड्नेछु : साँसद अधिकारी 

  काठमाडौं, कात्तिक ११– व्यवस्थापिका संसद अन्तर्गतको विकास समितिका सभापति रविन्द्र अधिकारीले अव आउन लागेको यातायात सम्वन्धि ऐनमा मजदुरलाई अन्याय हुने विषय पर्न नदिने प्रतिवद्धता जनाएका छन् । उनले ऐनमा मजदुर विरोधि विषय आउन नदिने आफ्नो...

काठमाडौंमा सुरु भयो यातायात मजदुरको तालि…

काठमाडौंमा सुरु भयो यातायात मजदुरको तालिम

  काठमाडौ, कात्तिक ३ यातायात मजदुरको क्षमता एवं नेतृत्व विकाससम्बन्धी अन्तराष्ट्रियस्तरको तालिम सुरु भएको छ । अन्तराष्ट्रिय यातायात मजदूर महासंघ (आईटिएफ)को आयोजनामा दक्षिण एशियाली देशका यायायात क्षेत्रका मजदूर तथा नेताहरुको सहभागीतामा ३ दिने तालिम सुरु भएको हो ।  तालिमको...

'हायर एण्ड फायर' तथा 'नो वर्क नो पे' को …

'हायर एण्ड फायर' तथा 'नो वर्क नो पे' को विरुद्धमा उत्रियो ट्रेड यूनियन महासंघ 

काठमाडौं, असोज २१  गत हप्ता संसदले पारित गरेर लागु हुने प्रकृयामा रहेको औद्योगिक व्यवसाय ऐनले श्रमिकको अधिकार कुण्ठित गरेको भन्दै नेपाल ट्रेड यूनियन महासंघ(जिफन्ट) त्यसको विरोधमा उत्रिएको छ । महासंघ अध्यक्ष विष्णु रिमालले सो ऐन प्रमाणिकरण...

एयरपोर्टका मजदुर आन्दोलनमा, नागरिक उड्डय…

एयरपोर्टका मजदुर आन्दोलनमा, नागरिक उड्डयन प्राधिकरणको कार्यालयमा दुई घण्टा घेराउ

   काठमाडौं, असोज १९   दशैं पेश्की पाउनु पर्ने लगायतका माग राख्दै त्रिभुवन विमानस्थलमा कार्यरत श्रमिक आन्दोलनमा उत्रेका छन् । त्रिभुवन विमानस्थलमा कार्यरत ३ सय ५० श्रमिक जिफन्ट आवद्ध युनिट्राभ एयरपोर्ट ईलाका कमिटीको नेतृत्वमा आन्दोलनमा उत्रेका हुन्...