रोजगारीका लागि मलेसिया जान चाहनेले जान्नै पर्ने कुरा

आवश्यक योग्यता तथा पूर्व जानकारी 
  • रोजगारीका लागि मलेसिया जान चाहने व्यक्तिको उमेर १८ वर्ष पुगेको हुनुपर्दछ ।
  • कुनै न कुनै सीप सिकेर सोही अनुरुपको काममा मात्र मलेसिया जानु पर्दछ । नत्र त्यहाँ धेरै गाह्रो र थोरै कमाई हुने काम मात्र पाइन्छ । सीप सिकेर सोही अनुसारको काममा जाँदा कमाई राम्रो हुन्छ ।
  • वैदेशिक रोजगारमा कामदार पठाउने इजाजत लिएको मान्यता प्राप्त म्यानपावर कम्पनीबाट मात्र प्रकृया अघि बढाउनु पर्दछ । अलपत्र पर्नेगरी हतारमा कहिल्यै पनि वैदेशिक रोजगारीमा जानु हुन्न ।
  • आम्दानी र लागत खर्चका बारेमा थाहा पाउनुहोस् । कतिपय अवस्थामा आम्दानी भन्दा धेरै लागत पर्न सक्छ । यसमा सचेत रहनुहोस् ।
लागत खर्च
  • रोजगारीका लागि मलेसिया जाने व्यक्तिले बढीमा रु ८० हजार रकम तिर्नुपर्दछ । यो अधिकतम लागत खर्च हो । यसमा भिसा शुल्क र हवाई टिकट वापतको रकम समेत समावेश गरिएको हुन्छ ।
  • कतिपय कम्पनिले निःशुल्क भिसा र हवाई टिकट दिएका हुन्छन् । त्यस्तो भएमा लागत खर्च कम पर्दछ । विदेश उड्नु अघि
  • काम गर्न विदेश जानु अघि अनिवार्य रुपमा दुई दिनको अभिमुखिकरण तालिम लिनु पर्दछ । यस्तो तालिम लिन रु ७ सय लाग्दछ । यो तालिमको प्रमाणपत्र बनाएर ल्याइदिने तर तालिम लिनु नपर्ने भनेर तपाईलाई कतिपय म्यानपावर कम्पनी वा एजेण्टहरुले भन्न सक्छन् । तर त्यसो गर्नु हुन्न । तालिम लिएर मात्र विदेश जानु पर्दछ ।
  •  वैदेशिक रोजगारमा जाने कामदारले वैदेशिक रोजगार कल्याणकारी कोषमा रु १ हजार तिर्नुपर्दछ । कथम्कदाचित् विदेशमा कुनै भवितव्यमा परेमा यहि कोेषबाट राहत पाउन सकिन्छ ।
  • वैदेशिक रोजगारीमा जाने व्यक्तिले अनिवार्य रुपमा जीवन बिमा गर्नुपर्दछ । सम्झौता अवधिमा कामदारको मृत्यु भएमा वा अङ्गभङ्ग भएमा नेपालमा बिमा गरिएको कम्पनिमा ५ लाखसम्मको बिमा दावी गर्न सकिन्छ ।
  • सरकारद्धारा मान्यता प्राप्त स्वास्थ्य संस्थाबाट स्वास्थ्य जाँच गराउनु पर्दछ ।
  • वैदेशिक रोजगारीमा मलेसिया जाँदा सम्झौता गरेर जानु पर्दछ । त्यस्तो सम्झौता म्यानपावर कम्पनीहरुले दिन्छन् । सम्झौता पत्रको एक प्रति घरमा राखेर मात्र विदेश जानु पर्दछ । यसले विदेशमा सो अनुसार काम र तलव नपाइएमा उजुरी गर्न र क्षतीपूर्ती भराउन ठूलो मद्धत पुग्दछ ।
  • म्यानपावर कम्पनीले बढीमा तीन महिना भित्रमा विदेश उडाइसक्नु पर्दछ ।
विदेश जाने क्रममा
  • विदेश जाँदा त्रिभुवन अन्तराष्ट्रिय विमानस्थलबाट मात्र उड्नु पर्दछ । कुनै कारणवस विदेशका कुनै विमानस्थलबाट जानु पर्ने भएमा वैदेशिक रोजगार विभागबाट त्यसको स्वीकृति लिएको हुनु पर्दछ ।
  • चुरोट, खैनी, मर्चा, भाङको दाना जस्ता कुरा साथमा लिएर जानु हुँदैन । यस्ता कुरा साथमा फेला परेमा कानूनी झमेलामा पर्न तथा जेलमा पर्न सकिन्छ । त्यसैले होसियार रहनुहोस् ।
  • जाँदा साथमा मलेसियाको मुद्रा रिंगिट केहि बोकेर जानुहोस् । यसले तपाईलाई त्यहाँ पुगेपछि केहि समय चलाउन आवश्यक पर्ने रकम हुन्छ ।
  • विमानस्थलमा उत्रिएपछि रोजगारदाता लिन नआएमा नेपालमा आफुलाई पठाउने म्यानपावर कम्पनीमा फोन गरी त्यसका बारेमा जानकारी गराउनु पर्दछ ।
  • २४ घण्टा भन्दा बढी समयसम्म पनि कोहि लिन नआएमा तल उल्लेखित सहयोगि निकायमा सम्पर्क गर्नुहोस् । त्यहाँबाट तपाईले मद्धत पाउन सक्नुहुन्छ । नेपाली दुतावास, क्वालालम्पुर, मलेसिया फोन नम्वरः ०३–२२८२ ०२४४ ०३–२२८२ ५९३४
जिफण्ट सपोर्ट ग्रुप सम्पर्क व्यक्ति वेदकुमार खतिवडा मोवाइल नम्वरः ०० ६०–०१४६४६७३१५ मलेसियामा बस्दा ध्यान दिनुपर्ने कुरा
  • मलेसियामा चोरी तथा लुटपाटको समस्या धेरै छ । त्यसैले कमाएर जोेगाएको रकम नेपाल पठाउँदा विशेष ध्यान दिनुपर्दछ ।
  • काम गर्दै गरेको कम्पनीको आई डी कार्ड वा जलान कार्ड सधैं साथमा बोक्नुहोस् ।
  • रोजगारदाताले दुर्घटना बिमा गरे/नगरेको यकिन गर्नुहोस् । कुनै दुर्घटनामा परेमा त्यसको क्षतीपूर्ती पाइन्छ । नपाएमा श्रम विभाग वा औद्योगिक सम्वन्ध बिभागमा उजुरी हाल्नु पर्दछ ।
  • मलेसियामा खान र बस्न रोजगारदाताले दिनु पर्दछ । त्यस वापत रकम कट्टा गर्न पाईंदैन । यदि कुनै रोजगारदाताले त्यसो गरेमा श्रम विभागमा उजुरी गर्नु पर्दछ ।
  • तपाईसँग भएको श्रम सम्झौता नै तपाईको कानूनी आधार हो । त्यसमा लेखिएका कुरा तपाई र तपाईको रोजगारदाताले पालना गर्नुपर्दछ । सम्झौता पत्र अनुरुपको ज्याला तथा अन्य सुविधा नपाएमा कहाँ उजुरी गर्नुपर्छ भन्ने जानकारी लिनुहोस् ।
  • मलेसियामा आफुखुशी रोजगारदाता फेर्न पाईंदैन । तर कसैलाई जवर्जस्ती कामबाट निकालिएमा त्यसको ६० दिन भित्रमा औद्योगिक सम्वन्ध विभागमा उजुरी दिन सकिन्छ ।
  • कुनै समस्या परेमा मलेसियाको क्वालालम्पुरमा रहेको नेपाली दुतावासमा मद्धत माग्न सकिन्छ । क्वालालम्पुरमा रहेको नेपाली दुतावासको ठेगाना नेपाली दुतावास, मलेसिया क्वालालम्पुर फोन नम्वरः ०३–२२८२ ०२४४ ०३–२२८२ ५९३४
  • मलेसियामा कादारहरुले मान्यता पाएको मजदुर संगठनका गतिविधिमा भाग लिन पाउँछन् । तर हड्ताल वा धर्ना गर्न पाउँदैनन् । त्यसैले रोजगारीका लागि मलेसिया जाँदा त्यहाँको मजदुर संगठनसँग सम्पर्कमा रहनु पर्दछ । यसले त्यहाँ कुनै अप्ठ्यारो परेमा मद्धत पाइन्छ । ड्ड मलेसियामा जिफण्ट सपोर्ट ग्रुप छ । कुनै समस्या परेमा सहयोगका लागि जिफण्ट सपोर्ट ग्रुपका सदस्यहरुसँग सम्पर्क गर्नु पर्दछ । जिफण्ट सपोर्ट ग्रुप सम्पर्क व्यक्ति वेदकुमार खतिवडा मोवाइल नम्वरः ०० ६०–०१४६४६७३१५ एसएमएस हेल्पलाइनः ६०१२ २२३ ४३५७ ६०१२ २२३ Help
  • समस्यामा परेमा मलेशियन ट्रेड यूनियन महासंघ(एमटीयूसी) मा पनि सम्पर्क गर्न सकिन्छ । टेलिफोन सम्पर्कः ०३–८०२४२९५३ एसएमएस हेल्पलाइनः ६०१२ २२३ ४३५७ ६०१२ २२३ Help
  • कुनै कारणले पक्राउ परेमा टेलिफोन गर्न पाउने कानूनी अधिकार हुन्छ । त्यसको उपभोग गरी सहयोगि निकायमा मद्धतका लागि सम्पर्क गर्नुहोस् ।
  • मलेसियामा विदेशी श्रमिकलाई मलेसियन वा काम गर्ने अन्य व्यक्तिसँग विवाह गर्ने अधिकार छैैन । त्यस्तो अवस्थामा जन्मेको बच्चा समेत अवैध मानिन्छ । त्यसैले यसमा ध्यान दिनुहोस् ।
  •  विदेशी श्रमिकले त्यहाँको गृह मन्त्रालयको अनुमति वेगर काम वा रोजगारदाता परिवर्तन गर्न पाउँदैनन् । अनुमति विना त्यसो गरिएमा गैरकानूनी ठहरिन्छ । त्यसरी बस्नु हुन्न ।
तलव तथा अन्य सुविधा
  • मलेसियामा काम गर्न जाने कामदारका लागि न्यूनत तलव निम्नानुसार तोकिएको छः
  • न्यूनतम मासिक तलव ९ सय रिंगिट(नेरु लगभग २५ हजार ४ सय)
  • सावाह, सारवाक र लाबुवान संघीय क्षेत्रमा का गर्नेहरुको न्यूनतम तलव ८ सय रिंगिट(नेरु लगभग २२ हजार ६ सय)
  • मलेसियामा काम गर्दा यो रकमबाट खान वा बस्न रकम काट्न पाउँदैन । सो व्यवस्था रोजगारदाताले गर्नुपर्दछ ।
  • मलेसियाको श्रम कानून अनुसार दैनिक ८ घण्टाका दरले हप्तामा बढीमा ४८ घण्टा भन्दा धेरै समय काममा लगाउन पाईंदैन ।
  • साप्ताहीक रुपमा एक दिन तलवी विदा दिनु अनिवार्य छ ।
  • अतिरिक्त समय काम गरेको ओभरटाइम भत्ता पाइन्छ ।
सम्झौता अवधि सकिएपछि
  • मलेसियाको श्रम सम्झौता सामान्यतया तीन वर्षको हुन्छ । रोजगारदाता र श्रमिकबीचको सहमतिमा त्यसलाई नवीकरण गर्न सकिन्छ । यसरी सम्झौता नवीकरण गरेमा त्यसको लिखित जानकारी क्वालालम्पुरमा रहेको नेपाली दुतावासलाई दिनुपर्दछ । यति भएपछि मात्र आफु कानूनी रुपमा मजबुत भइन्छ ।
  • लिखित रोजगार सम्झौता बिना बस्नु भनेको अवैधानिक हुनु हो । त्यसरी बसेमा धेरै झण्झट व्यहोर्नु पर्दछ ।
  • सम्झौता सकिएर नेपाल फर्किदा रोजगारदाता कम्पनीले हवाई टिकट दिनु पर्दछ ।
  • कुनै समस्यामा परेर नेपाल फर्किनु परेमा वैदेशिक रोजगार विभाग, वैदेशिक रोजगार प्रवद्र्धन वोर्डले क्षतीपूर्ती भराउने काममा मद्धत गर्दछन् । यसमा पिपुल्स फोरम, प्रवासी नेपाली समन्वय समिति, पौरखी, ओरेक नेपाल जस्ता संघसंस्थाबाट सहयोग लिन सकिन्छ ।
 
  • तपाई वैदेशिक रोजगारीमा जाने विचार गर्दै हुनुहुन्छ भनें तपाईको नजिकै कुनै सुचना केन्द्र छन् भनें त्यहाँ गएर सम्पूर्ण जानकारी लिनुहोस् । जिल्ला प्रशाससन कार्यालयमा राहदानी(पासपोर्ट) बनाउन गएको ठाउँमा पनि त्यस्तो सुचना दिने विभिन्न सरकारी, गैरसरकारी संघसंस्थाका प्रतिनिधि हुनसक्छन् । उनीहरुको खोजि गर्नुहोस् र राम्रोसँग जानकारी लिएर मात्र वैदेशिक रोजगारीमा जाने प्रकृया अघि बढाउनुहोस् । यसले सम्भावित जोखिमबाट बच्न सकिन्छ ।
 
  • तपाईलाई थप जानकारी आवश्यक परेमा वैदेशिक रोजगार प्रवद्र्धन बोर्ड, काठमाडौंको टोल फ्रि नम्वर १६६००१ ५०००५ मा अथवा वैदेशिक रोजगार विभागको हटलाइन ०१ ४११२३५०(हटलाइन)मा सम्पर्क गर्न सक्नुहुन्छ । (यो जानकारी सेण्टर फर द स्टडि अफ लेवर एण्ड मोविलिटी, जिफण्ट, वैदेशिक रोजगार प्रवद्र्धन बोर्ड, वैदेशिक रोजगार विभाग, पीएनसीसी तथा ओरेक नेपालका प्रकाशनहरुबाट तयार पारिएको हो ।)

फेसबुकबाट तपाईको प्रतिक्रिया

  • 1
  • 2
Prev Next

यातायात मजदूरलाई सडक सुरक्षा तालिम

यातायात मजदूरलाई सडक सुरक्षा तालिम

   काठमाडौं, असार २९- जिफन्टको घटक यूनियन नेपाल यातायात स्वतन्त्र मजदुर संगठनले यातायात मजदुरहरूलाई सडक सुरक्षा सम्बन्धी तालिम प्रदान गरेको छ । सो अवसरमा जिफन्टका महासचिव जनक चौधरीले नेपालमा सवारीसाधन सम्बन्धी नियम बने पनि कार्यान्वयन पक्ष फितलो...

गौरीगंगा नगरपालिका जहाँ श्रमिकले दिन्छन्…

गौरीगंगा नगरपालिका जहाँ श्रमिकले दिन्छन् घर समयमै सक्ने ग्यारेण्टी

काठमाडौं, असार २५- कैलालीको गौरीगंगा नगरपालिका जहाँका निर्माण श्रमिकले विगत एक बर्षयता एउटा अभ्यास सुरु गरेका छन् । नेपाल ट्रेड यूनियन महासंघ(जिफन्ट) को घटक यूनियन क्यूपेक नेपालले घर बनाउने घरधनी र निर्माणको जिम्मा लिने ठेकेदारबीच गज्जवको...

'कामप्रति सम्मान गरौं, बैदेशिक रोजगारमा …

'कामप्रति सम्मान गरौं, बैदेशिक रोजगारमा जाने आफैं कम हुन्छ'

  काठमाडौं- पूर्व प्रधानमन्त्री माधव कुमार नेपालले आफ्ना नागरिकको हित गर्नु राज्यको कर्तव्य भएको भन्दै नेकपा नेतृत्वको वर्तमान सरकारले त श्रमजीवि वर्गको हितमा आफूलाई केन्द्रीत गर्नु अझ ठूलो कर्तव्य रहेको बताएका छन् । यातायात क्षेत्रले अहिले पनि...

'तुरुन्त न्यूनतम पारिश्रमिक कार्यान्वयन …

'तुरुन्त न्यूनतम पारिश्रमिक कार्यान्वयन गर'

काठमाडौं, चैत्र २९- नेपाल ट्रेड यूनियन महासंघ(जिफन्ट) ले बिना शर्त न्यूनतम पारिश्रमिक कार्यान्वयन गर्न चिया वगान तथा चिया प्रशोधन उद्योगका सञ्चालकहरूलाई अनुरोध गरेको छ । जिफन्टका महासचिव जनक चौधरीले प्रेस विज्ञप्ती प्रकाशित गर्दै चिया उत्पादकहरूले आफ्नो...

लागु भएन न्यूनतम ज्याला, आन्दोलन सुरु गर…

लागु भएन न्यूनतम ज्याला, आन्दोलन सुरु गर्ने ट्रेड युनियनको चेतावनी

काठमाडौं, मंसीर २०- गलैंचा उद्योग तथा निकाशीकर्ताले सरकारले बृद्धि गरेको न्यूनतम तलव उपलव्ध नगराएपछि त्यसको विरुद्धमा ट्रेड युनियनहरुले आन्दोलनको चेतावनी दिएका छन् । नेपाल ट्रेड युनियन महासंघ(जिफन्ट आवद्ध जुट गार्मेण्ट कार्पेट टेक्सटायल मजदुर युनियन, नेपाल तथा...

सुचना प्रविधि श्रमिकका लागि समस्या की अव…

सुचना प्रविधि श्रमिकका लागि समस्या की अवसर ?

काठमाडौं, मंसीर २- नेपाल र नेपाली श्रमिकका लागि बढ्दो सुचना प्रविधिको प्रयोग समस्या हो वा अवसर ? अनी वर्तमान अवस्थामा यसको प्रयोग कसरी भइरहेको छ अनी भविषयमा अव के होला त ? यस बारेमा नेपाल ट्रेड...

सामाजिक सुरक्षा योजनाको सुविधाको प्रस्ता…

सामाजिक सुरक्षा योजनाको सुविधाको प्रस्ताव तयार, एकडेढ महिनाभित्रै सूचिकरण सुरु गर्ने तयारी

काठमाडौं, भदौ २४- सामाजिक सुरक्षा कोषमा श्रमिक र रोजगारदाता सूचिकरणको काम अन्तिम चरणमा पुगेको छ । अव ढिलोमा एक डेढ महिना भित्रमै सूचिकरण सुरु गर्ने तयारीमा कोष पुगेको छ । कोषका कार्यकारी निर्देशक श्यामराज अधिकारीले सूचिकरणका...

आपूर्तिकर्ता मार्फत लिने श्रमको सूची बना…

आपूर्तिकर्ता मार्फत लिने श्रमको सूची बनाउन समिति गठन, कानूनमा नमिलेका कुरा मिलाइने

काठमाडौं, साउन ११- सरकारले कुन क्षेत्रको श्रममा आपूर्तिकर्ता मार्फत श्रमिक लिन पाउने भन्ने सूची बनाउने भएको छ । शुक्रवार श्रम रोजगार तथा सामाजिक सुरक्षा मन्त्रालयमा बसेको केन्द्रीय श्रम सल्लाहकार परिषदको बैठकले यसको सूची बनाउन कार्यदल नै...