रोजगारी पाउनु भएन ? अवशर छन्

काठमाडौं- तपाई कामको खोजीमा हुनुहुन्छ ? तर पाउनु भएको छैन ? उपाय धेरै छन् शहरमा । शहरमा युवाका लागि तालिम दिने संस्थामा जानुभयो भनें तपाईका लागि उपयुक्त तालिम र तालिमपछि रोजगारी पाइन सक्छ ।

यसरी नै तालिम लिएर काम सुरु गरिसकेका वा तालिम लिंदै उद्यमी बन्ने सपना देखिरहेका थुप्रै युवा भेटिन्छन् । तिनै मध्येका एक हुन् मोरङका दधिराम गौतम । उनी आल्मुनियम फेब्रिकेशनको व्यवसाय सुरु गर्ने योजना बुन्दैछन् ।

चार बर्ष अघि इटहरीमा आल्मुनियम फेब्रिकेशनमा लेभल १ को तालिम लिएपछि उनले यो क्षेत्रमा हात हालेका हुन् । सबै कुरा जानेर–बुझेर मात्र व्यबसाय थाल्ने सोच बनेका कारण तालिम पछि अहिले उनी अरुकोमा नै काम गर्छन् । चार बर्षको अनुभवले उनी राम्रै खारिएका छन् । तर यतिले मात्र पुगेको छैन उनलाई । यहि पेशालाई दीर्घकालिन बनाउने लक्ष्य राखेर उनी अहिले लेभल २ तालिम सिक्दैछन् ।

राजधानीको एक तालिम केन्द्रमा अपग्रेडीङ तालिम लिंदै गरेका गौतम तालिम सकिएपछि आफ्नै ठाउँ पुगेर व्यवसाय सुरु गर्ने सोचमा छन् । यो तालिम पछि उनको बाटो फराकिलो पनि हुँदै गएको छ । आफुले जानेको काम सह–प्रशिक्षक भएर अरु युवालाई पनि सिकाईरहेका उनले अब प्रशिक्षकको भुमिकामा आफुलाई उभ्याउनेछन् ।

मोरङ, झापा र सुनसरी उनको कार्यक्षेत्र हो । काठको अभावका कारण अवका दिनमा आल्मुनियमको काम राम्रो फस्टाउनेमा उनी ढुक्क छन् । उनी भन्छन्, ‘अहिलेको बजार अनुसार चल्दो व्यवसायका रुपमा मैंले यो क्षेत्रमा हात हालेको हुँ ।’ सीप सिकेका दिनदेखि अहिलेसम्म खाली हात बस्नु नपरेको उनी बताउँछन् । सीप जानेर मात्र नहुने तर्क गर्दै उनी ठाउँ सुहाउँदो काम र आफुमा लगनशिलता चाहिने बताउँछन् । त्यहि भएरपनि उनले पहिला कामलाई बुझे अनि व्यवसाय गर्ने सोच बनाए ।

गौतमले केहि बर्ष अरुकोमा काम गरेर आफूलाई निखारेर मात्रै व्यवसायमा हात हाल्न खोजेपनि बालाजु सानोपुलमा बस्दैआएका चन्द्रकुमारी लिम्बु दम्पतीको कथा भनें अलिक फरक छ । उनीहरुले चाहिं आल्मुनियम फेब्रिकेशनको तालिम लिनेबित्तिकै थालेको व्यवसाय दिनप्रतिदिन उकालो लागिरहेको छ । एक बर्ष अघि चन्द्रकुमारीलाई श्रीमानले आफ्नै साथ लगाएर तालिम सिकाए । सुरुमा त उनलाई सक्छु जस्तो लागेको थिएन । साथीभाईले पनि महिलाले यस्तो काम गर्न सक्दैनन् भनेका थिए । तर उनले अठोट लिएर तालिम सकिन् । अहिले उनलाई सहि समयमा सहि निर्णय गरिएछ भन्ने लागेको छ ।

 

आफुले पनि काम जानेका कारण व्यबसाय चलाउन निकै सजिलो भएको उनी बताउँछिन् । श्रीमानले फिल्डको काम र आफुले पसल हेर्नेगरेको उनले बताईन् । उनीकहाँ अहिले दुईजना युवाले सिक्नेगरि नियमित काम गरिरहेका छन् भने आवश्यकता अनुसार काम जानेका मान्छेले पनि काम पाउँछन् । काम गर्दै जाँदा धेरै कुरा अझै सिक्न बाँकिरहेको जस्तो लागेपछि उनी अहिले उनी पनि लेभल २ को तालिम लिंदै छिन् । उनको पनि उद्देश्य प्रशिक्षक बन्ने र आफ्नो व्यवसायलाई अझ राम्रो बनाउने हो ।


फेसबुकबाट तपाईको प्रतिक्रिया

परदेशमा

तनहुँ सेवा समाजको १० औं अधिवेशन सम्पन्न

तनहुँ सेवा समाजको १० औं अधिवेशन सम्पन्न

दोहा– तनहुँ सेवा समाज कतारको १० औं अधिवेशन सहित विजयादशमी तथा दिपावली, छट पर्वको अवसरमा शुभकामना आदान प्रदान कार्यक्रम सम्पन्न भएको छ । नेपाली दुतावासका श्रम सहचारी नरेन्द्र ज्ञवालीको प्रमुख...

Read more