सेवा कटौतिको विरोध गर्दै रिले अनसन

झापा, भदौ २२–  खाइपाइ आएको सेवा सुविधा कटौती गर्न नपाइने लगायतका माग राख्दै गिरीवन्धु टी ईष्टेट, झापाका श्रमिकले रिले अनसन सुरु गरेका छन् । भदौ २२ गते सुरु भएको अनसन असोज १ गतेसम्म चल्नेछ । 

गत साउनदेखि दैनिक ज्यालामा रु २५ बृद्धि गर्नुपर्ने भएपनि हालसम्म सो रकम बृद्धि नगरिएको मजदुरले गुनासो गरेका छन् । यसैगरी विसं २०७० सालमा गरिएको तलव बृद्धि वापत फरक पर्न गएको रु ८ लाख पनि श्रमिकलाई नदिइएको उनीहरुको भनाई छ । 

चियावगानमा कार्यरत श्रमिकको बसोवासस्थान जिर्ण भएको र सोको मर्मत गर्ने यसअघि नै सहमति भएपनि हालसम्म त्यसमा उदासिनता देखाइएको श्रमिकले बताएका छन् । जिफन्ट मेचि अञ्चल अध्यक्ष सन्तकुमार राईका अनुसार यसअघि श्रमिकले प्रतिमहिना पाउँदै आएको ३ सय ग्राम चियारंग पनि कटौति गरिएको छ । यसैगरी श्रमिकका लागि उपलव्ध गराइएको प्राथमिक स्वास्थ्य सेवा पनि हाल बन्द भएका कारण श्रमिक आन्दोलनमा उत्रेका हुन् । 

सो चियावगानमा यसअघि ३ सय ५ जना स्थायी श्रमिकले काम गर्दै आएकोमा हाल १ सय ९५ मा झरेको छ । रिक्त स्थानमा नयाँ श्रमिक भर्ना गर्न पनि श्रमिकले माग गरेका छन् । 

 


फेसबुकबाट तपाईको प्रतिक्रिया

परदेशमा

मोरङ्ग सुनसरी सेवा समाज कतारको अध्यक्षमा योगेन्द्र वहादुर कार्की

मोरङ्ग सुनसरी सेवा समाज कतारको अध्यक्षमा योगेन्द्र वहादुर कार्की

दिलिप पराजुली, दोहा, माघ १०   मोरङ्ग सुनसरी सेवा समाज कतारको अध्यक्षमा योगेन्द्र वहादुर कार्की निर्विरोध निर्वाचित भएका छन् । कतारको दोहामा सम्पन्न संस्थाको वाह्रौ साधारण सभाले सुनसरीका योगेन्द्र वहादुर कार्कीलाई...

Read more