मलेसियाको रोजगारीः यी कुरामा ध्यान दिन आग्रह

 

क्वालालम्पुर, भदौ ३०-

१५ महिना बन्द भएर सुरु भएको मलेसियाको रोजगारीमा केहि विषयमा सचेतता अपनाउन यहाँका अधिकारकर्मीहरुले सुझाव दिएका छन् । उनीहरुले नेपाली कामदारको अधिकार रक्षाका लागि यसअघि गरिएको सहमतिको पूर्ण पालना हुने वातावरण निर्माण गर्न ध्यान दिनु पर्ने बताए ।

मलेसियन ट्रेड यूनियन काँग्रेस(एमटीयूसी) का एमआरसी संयोजक जुल ताईले मलेसियाको रोजगारीमा आउनेहरुका लागि मलेसियाको देश विशेष पूर्व प्रस्थान तालिम दिन नेपाल सरकारलाई आग्रह गरेका छन् । उनले मलेसिया आइसकेपश्चात सुरुमा मलेसियामा पनि तालिम दिनुपर्ने धारणा राखे । यसले मलेसिया आउने कामदारलाई मलेसिया बसाई सहज र सुरक्षित हुने बताए ।

यसैगरी मलेसियामा  आप्रवासी कामदारहरुको अधिकारका पक्षमा कार्यरत संस्था नर्थ साउथ इनिसिएटीभ(एनएसआई) का प्रमुख एड्रिन परेराले दुई देशवीचको श्रम समझदारीमा धेरै विषयहरु कामदारको हितको पक्षमा रहेको भन्दै त्यसको प्रभावकारी कार्यान्वयनमा जोड दिए । उनले मलेसिया आइसकेपछि श्रमिकसँग फरक करार गर्ने परम्पराको अन्त्य हुनुपर्ने कुरामा सजग रहन नेपाल सरकारलाई सचेत गराए । यसका लागि सुरुवाती दिनमा नै सजग हुनुपर्ने र त्यस्तो काम भउमा त्यस्ता रोजगारदातालाई कारवाहीको दायरामा ल्याउनुपर्ने उनको भनाई थियो ।

मलेसियामा नेपाली श्रमिकको अधिकारका पक्षमा कार्यरत नेपाल ट्रेड यूनियन महासंघ(जिफन्ट) का संयोजक वेद कुमार खतिवडाले फ्रि भिषा ,फ्रि टिकट भनेर मात्र नहुने भन्दै यसलाई कडाईकासाथ कार्वान्यनमा ल्याउनु महत्वपूर्ण पक्ष रहेको बताए । उनले मलेसियाको रोजगारीमा श्रमको खोजीमा आउने भनेको अदक्ष श्रमिक धेरै हुने भन्दै मलेसिया आउनु अगावै प्रभावकारी अभिमुखिकरण तालिम दिनु अत्यावश्य रहेको धारणा राखे ।

जुल ताई

संयोजक, एमआरसी, एमटीयूसी

मेरो विचारमा नेपाल र मलेसियाले पूर्व प्रस्थान तालिममा विशेष ध्यान दिन जरुरी छ । यसैगरी मलेसिया आइसकेपछि श्रमिकलाई मलेसियाको विषयमा, यहाँ बस्दा गर्नुपर्ने काम, ध्यान दिनुपर्ने कुराहरु, अपनाउनु पर्ने सावधानी लगायतका विषयमा पनि काम सुरु गर्नु अगावै तालिम दिइनु पर्दछ । यो काम मलेसियास्थीत नेपाली दूतावासले गरोस् भन्ने हामी चाहन्छौं । यसमा के कस्तो सहयोग गर्नुपर्दछ, सो गर्नका लागि मलेसियन ट्रेड यूनियन कंग्रेस सदैव तयार छ । मलेसियन ट्रेड यूनियन कंग्रेसलाई यस्तो तालिममा संलग्न गराइयोस् भन्न चाहन्छु ।  

यसैगरी अहिले श्रमिकलाई निःशुल्क रुपमा मलेसियामा रोजगारीका लागि आउने समझदारी भएको छ जसको प्रभावकारी कार्यान्वयन हुनु पर्दछ । श्रमिकले पाउने सम्झौता नेपाली, अंग्रेजी अथवा भाषा मलेसियामा हुनु पर्दछ ।

एड्रिन परेरा

कार्यकारी निर्देशक

नर्थ साउथ ईनिसिएटीभ, मलेसिया

दुई देशवीचको श्रम समझदारीमा केहि महत्वपूर्ण र राम्रा पक्षहरु रहेका छन् जसको व्यवहारिक अभ्यास भनें हेर्न बाँकी नै छ । त्यो समझादारीले साँच्चै कामदारको अधिकार रक्षा गर्दछ वा गर्दैन भन्ने हेर्न केहि समय पर्खिर्नु पर्दछ ।

तर दुःखद पक्ष सो श्रम समझदारी हुँदा कामदारको हकहितका लागि कृयाशिल संघसंस्थाहरुलाई कुनै थाहा दिइएन, सो प्रकृयामा नीजि क्षेत्र भनें सामेल रह्यो । त्यसैले यसको कार्यान्वयनमा शंका गर्ने ठाउँ छँदैछ । समझदारीमा कतिपय छिद्रहरु देखिएका छन् जहाँबाट गलत उद्देश्यका साथ काम गर्नेहरुले अनुचित लाभ लिन सक्दछन्, यसमा सचेत रहनु पर्दछ ।

कामदारसँग दोहोरो करार हुने कुराको अन्त्य हुनु पर्दछ । यो समझदारी पश्चात मलेसियामा रोजगारीका लागि आउने कामदारहरु माथि त्यस्तो नहोस् भनेर सवै सचेत रहौं । कुनै एजेण्ट वा रोजगारदाताले श्रमिकलाई ठगेको पत्ता लागेमा कडा भन्दा कडा दण्ड दिने व्यवस्था हुनु अत्यावश्यक छ ।

 वेद कुमार खतिवडा

संयोजक, जिफन्ट मलेसिया

फ्रि भिषा, फ्रि टिकट भनेर मात्र हुँदैन यसलाई कडाईका साथ कार्वान्वयनमा ल्याउनु पर्दछ । मलेसियाको रोजगारीमा श्रमको खोजीमा आउने नेपाली श्रमिकको संख्या मध्ये बहुसंख्यक अदक्ष श्रमिक नै हुने गरेका छन् । तसर्थ गन्तव्य मुलुक लाग्नु अगावै अभिमुखिकरण तालिम दिन अत्यन्तै आवश्यक छ ताकि उनीहरूलाई कुनै किसिमको सास्ती र समस्या हुनासाथ प्रवासी श्रमिकहरुको सवालमा आवाज उठाई रहेका स्थानीय ट्रेड यूनियन, सामाजिक संघ संस्था साथै मानवधिकारवादी संस्था र प्रवासी श्रमिकहरुलाई संगठित गराई रहेको जिफन्ट सपोर्ट ग्रुप जस्ता ठाउँमा पुग्ने जानकारी होस् । यसो हुन सकेमा पनि ९० प्रतिशत समस्या त्यसै हल गर्न उनीहरू सक्षम हुनेछन ।

सम्वन्धित मेनपावर व्यवसायीहरुलाई कडाईका साथ सरकारले घोषणा गरेको कार्यक्रम र  नियमलाई पालना गर्न बाध्य गराउनु आवश्यक छ । ठगिमा संलग्नहरुलाई कारवाही गरिनु पर्दछ र असल काम गर्नेहरुलाई प्रोत्साहन गर्ने काम सरकारले गर्नुपर्दछ ।

अर्को कुरा आफ्नो गन्तव्य मुलुकमा रहँदा के काम गर्ने ? कस्तो प्रकारको काम र सीपमा जाने भन्ने बारे स्वदेशमै सबै कुराको जानकारी लिनु र त्यस बारे बुझ्न आवश्यक छ । मलेसियाको भाषा र संस्कृतिबारे ज्ञान लिनु वा भाषा सिकेर आउनु राम्रो हो ।

आफ्ना नागरिकलाई समस्या भएमा वा अन्य जोखिम अवस्थामा सहयोग र उद्दारको लागि नेपाली दूतावासको ठूलो भूमिका र जिम्मेवारी रहन्छ । श्रमिकहरुका समस्या आएमा सम्वन्धित स्थानिय श्रम अदालत वा आफ्नो श्रमिकको पक्षमा कानुनी न्यायको लागि वकिलको व्यवस्था गर्नु दूतावासको जिम्मेवारी हो । श्रमिकका गुनासा आउँदा उल्टै पीडितलाई लर्काउने, थर्काउने र हर्काउने काम दूतावासका कर्मचारीहरुबाट हुनु भएन ।

प्रवासी श्रमिकहरुको प्रत्यक्ष्य सरोकार राख्ने ट्रेड यूनियनका प्रतिनिधिहरू मलेसियामा भएको हुनाले दूतावासले उनीहरु मार्फत लिन सक्ने सहयोग लिनु आवश्यक छ ताकी अप्ठ्यारोमा पर्दा नेपाली श्रमिकले सेवा पाउन सकुन् ।


फेसबुकबाट तपाईको प्रतिक्रिया

  • 1
  • 2
Prev Next

पर्यटन क्षेत्रका श्रमिकलाई चिनियाँ भाषा …

पर्यटन क्षेत्रका श्रमिकलाई चिनियाँ भाषा तालिम

  कास्की, भदौ २४- नेपाल ट्रेकिङ–ट्राभल्स–र्याफ्टिङ–एयरलाइन्स, पुरातात्विक–संस्कृति, कार्गो–कुरियर कर्मचारी मजदुर युनियन (युनिट्राभ) गण्डकीले पर्यटन क्षेत्रमा कार्यरत मजदुुरलाई एकमहिने चिनियाँ भाषाको निःशुल्क तालिम प्रदान गरेको छ । नेपालमा चिनियाँ पर्यटकको सङ्ख्या वृद्धि भएसँगै पर्यटकको बसाइ सहज बनाउने र भाषाको...

यातायात मजदूरलाई सडक सुरक्षा तालिम

यातायात मजदूरलाई सडक सुरक्षा तालिम

   काठमाडौं, असार २९- जिफन्टको घटक यूनियन नेपाल यातायात स्वतन्त्र मजदुर संगठनले यातायात मजदुरहरूलाई सडक सुरक्षा सम्बन्धी तालिम प्रदान गरेको छ । सो अवसरमा जिफन्टका महासचिव जनक चौधरीले नेपालमा सवारीसाधन सम्बन्धी नियम बने पनि कार्यान्वयन पक्ष फितलो...

गौरीगंगा नगरपालिका जहाँ श्रमिकले दिन्छन्…

गौरीगंगा नगरपालिका जहाँ श्रमिकले दिन्छन् घर समयमै सक्ने ग्यारेण्टी

काठमाडौं, असार २५- कैलालीको गौरीगंगा नगरपालिका जहाँका निर्माण श्रमिकले विगत एक बर्षयता एउटा अभ्यास सुरु गरेका छन् । नेपाल ट्रेड यूनियन महासंघ(जिफन्ट) को घटक यूनियन क्यूपेक नेपालले घर बनाउने घरधनी र निर्माणको जिम्मा लिने ठेकेदारबीच गज्जवको...

'कामप्रति सम्मान गरौं, बैदेशिक रोजगारमा …

'कामप्रति सम्मान गरौं, बैदेशिक रोजगारमा जाने आफैं कम हुन्छ'

  काठमाडौं- पूर्व प्रधानमन्त्री माधव कुमार नेपालले आफ्ना नागरिकको हित गर्नु राज्यको कर्तव्य भएको भन्दै नेकपा नेतृत्वको वर्तमान सरकारले त श्रमजीवि वर्गको हितमा आफूलाई केन्द्रीत गर्नु अझ ठूलो कर्तव्य रहेको बताएका छन् । यातायात क्षेत्रले अहिले पनि...

'तुरुन्त न्यूनतम पारिश्रमिक कार्यान्वयन …

'तुरुन्त न्यूनतम पारिश्रमिक कार्यान्वयन गर'

काठमाडौं, चैत्र २९- नेपाल ट्रेड यूनियन महासंघ(जिफन्ट) ले बिना शर्त न्यूनतम पारिश्रमिक कार्यान्वयन गर्न चिया वगान तथा चिया प्रशोधन उद्योगका सञ्चालकहरूलाई अनुरोध गरेको छ । जिफन्टका महासचिव जनक चौधरीले प्रेस विज्ञप्ती प्रकाशित गर्दै चिया उत्पादकहरूले आफ्नो...

लागु भएन न्यूनतम ज्याला, आन्दोलन सुरु गर…

लागु भएन न्यूनतम ज्याला, आन्दोलन सुरु गर्ने ट्रेड युनियनको चेतावनी

काठमाडौं, मंसीर २०- गलैंचा उद्योग तथा निकाशीकर्ताले सरकारले बृद्धि गरेको न्यूनतम तलव उपलव्ध नगराएपछि त्यसको विरुद्धमा ट्रेड युनियनहरुले आन्दोलनको चेतावनी दिएका छन् । नेपाल ट्रेड युनियन महासंघ(जिफन्ट आवद्ध जुट गार्मेण्ट कार्पेट टेक्सटायल मजदुर युनियन, नेपाल तथा...

सुचना प्रविधि श्रमिकका लागि समस्या की अव…

सुचना प्रविधि श्रमिकका लागि समस्या की अवसर ?

काठमाडौं, मंसीर २- नेपाल र नेपाली श्रमिकका लागि बढ्दो सुचना प्रविधिको प्रयोग समस्या हो वा अवसर ? अनी वर्तमान अवस्थामा यसको प्रयोग कसरी भइरहेको छ अनी भविषयमा अव के होला त ? यस बारेमा नेपाल ट्रेड...

सामाजिक सुरक्षा योजनाको सुविधाको प्रस्ता…

सामाजिक सुरक्षा योजनाको सुविधाको प्रस्ताव तयार, एकडेढ महिनाभित्रै सूचिकरण सुरु गर्ने तयारी

काठमाडौं, भदौ २४- सामाजिक सुरक्षा कोषमा श्रमिक र रोजगारदाता सूचिकरणको काम अन्तिम चरणमा पुगेको छ । अव ढिलोमा एक डेढ महिना भित्रमै सूचिकरण सुरु गर्ने तयारीमा कोष पुगेको छ । कोषका कार्यकारी निर्देशक श्यामराज अधिकारीले सूचिकरणका...