अव स्थानीय तहबाटै सुरक्षित आप्रवासन परियोजना, पहिलो सम्झौता नवलपरासीमा

रञ्जना लम्साल, कावासोती, कात्तिक १-

नवलपरासी (बर्दघाट सुस्ता पूर्व) मा स्थानीय तहबाटै सुरक्षित आप्रवासन परियोजना सञ्चालनका लागि स्थानीय तह र सेवा प्रदायक संस्थावीच सम्झौता भएको छ । श्रम रोजगार तथा सामाजिक सुरक्षा मन्त्रालयद्धारा सञ्चालन हुने सो परियोजना सञ्चालनका लागि नवलपरासी (बर्दघाट सुस्ता पुर्व ) का चारवटा स्थानीय तह र सेवा प्रदायक संस्थावीच विहिवार सम्झौता भएको हो ।

वैदेशिक रोजगारलाई सुरक्षित र व्यवस्थित बनाउनका लागि स्थानिय सरकार र सेवाप्रदायक संस्था हिमालयन सामुदायिक विकास मञ्चवीच सम्झौता भएको हो । सो परियोजना नेपाल सरकार र स्वीस सरकारको सहयोगमा सञ्चालित छ । अव नवलपरासी पूर्व नवलपुरका चारवटा स्थानीय तहमा नेपाल सरकार र स्वीस सरकारको सहयोगमा हिकोडेफ मार्फत सुरक्षित आप्रवास परियोजना सञ्चालन हुनेछ ।

यस अन्तर्गत जिल्लाको गैंडाकोट, कावासोती र मध्यविन्दु नगरपालिका साथै विनयी त्रिवेणी गाउँपालिका छन् । विहिवार सेवा प्रदायक संस्था हेकोडेफ र चारैवटा पालिकावीच कार्यक्रम सञ्चालन सम्बन्धी सम्झौता पत्रमा हस्ताक्षर भयो । यसमा प्राविधिक सहयोग सामी हेल्भेटासको रहने छ । 

परियोजना अन्र्तगत सूचनामा पहुँच, न्यायमा पहुँच, सीपमा पहुँच, मनोसामाजिक परामर्श र वित्तिय साक्षरताको क्षेत्रमा विभिन्न कार्यक्रमहरु सञ्चालन गरिने कावासोती नगरपालिकाका प्रमुख प्रशासकिय अधिकृत रोशन ज्ञवालीले बताए । वैदेशिक रोजगारलाई सुरक्षित, मर्यादित र उपलब्धीमुलक बनाउने, वैदेशिक रोजगारबाट आउने विप्रेषण (रेमिट्यान्स)को सदुपयोग गर्दै स्वदेशमै स्वरोजगारको अवस्था सिर्जनाका लागि कार्यक्रम महत्वपूर्ण हुने प्रमुख प्रशासकिय अधिकृत ज्ञवालीको भनाई थियो ।

देशभर ३९ जिल्लामा नेपाल सरकार र स्वीस सरकारको सहयोगमा सुरक्षित आप्रवासन परियोजना सञ्चालन हुँदैछ । त्यसमध्ये स्थानीय तह र सेवा प्रदायक संस्थावीच कार्यक्रम सञ्चालनको समझदारी पत्रमा हस्ताक्षर भएको यो पहिलो भएको परियोजनाका गण्डकी प्रदेश संयोजक उमाकला शर्माले बताइन् । नवलपरासी जिल्ला वैदेशिक रोजगारीमा जाने व्यक्तिको संख्याका हिसावले अग्रस्थानमा पर्दछ ।

स्थानिय तहसँगको साझेदारिमा कार्यक्रम सञ्चालन गर्दा कार्यक्रम अझ प्रभावकारी हुने सेवा प्रदायक संस्था हिकोडेफका कार्यकारी निर्देशक शुरवीर स्थापितले बताए । संस्थाले २०७० सालदेखी वैदेशिक रोजगारको क्षेत्रमा काम गर्दै आएको उनले बताए । नेपाल सरकारको नीति अनुरुप वैदेशिक रोजगारलाई सुरक्षित, वैदेशिक रोजगारका कारण हुने सामाजिक समस्याको निराकरण र वैदेशिक रोजगारबाट भित्रिएको रकमको सदुपयोग गरि दिर्घकालीन रुपमा स्वदेशमै स्वरोजगारको अवस्था सिर्जना गर्ने तर्फ कार्यक्रम लक्षित हुने कार्यकारी निर्देशक स्थापितले बताए ।

यो पनि पढ्नुहोस् वैदेशिक रोजगारबाट फर्केकाहरु अझ संगठित हुनुपर्दछ 


फेसबुकबाट तपाईको प्रतिक्रिया

  • 1
  • 2
Prev Next

'राजनीतिक लविङ, आवश्यक परे हस्तक्षेप'

'राजनीतिक लविङ, आवश्यक परे हस्तक्षेप'

काठमाडौं, कात्तिक १७-  बन क्षेत्रमा कार्यरत श्रमिकको अधिकार रक्षाका लागि नीतिगत तहमा थप पहल आवश्यक रहेको यस क्षेत्रमा कार्यरतहरुले निश्कर्ष निकालेका छन् । उनीहरुले यसका लागि सकेसम्म राजनीतिक रुपमा लविङ गर्ने र आवश्यक ठाउँमा हस्तक्षेप समेत...

पर्यटन क्षेत्रका श्रमिकलाई चिनियाँ भाषा …

पर्यटन क्षेत्रका श्रमिकलाई चिनियाँ भाषा तालिम

  कास्की, भदौ २४- नेपाल ट्रेकिङ–ट्राभल्स–र्याफ्टिङ–एयरलाइन्स, पुरातात्विक–संस्कृति, कार्गो–कुरियर कर्मचारी मजदुर युनियन (युनिट्राभ) गण्डकीले पर्यटन क्षेत्रमा कार्यरत मजदुुरलाई एकमहिने चिनियाँ भाषाको निःशुल्क तालिम प्रदान गरेको छ । नेपालमा चिनियाँ पर्यटकको सङ्ख्या वृद्धि भएसँगै पर्यटकको बसाइ सहज बनाउने र भाषाको...

यातायात मजदूरलाई सडक सुरक्षा तालिम

यातायात मजदूरलाई सडक सुरक्षा तालिम

   काठमाडौं, असार २९- जिफन्टको घटक यूनियन नेपाल यातायात स्वतन्त्र मजदुर संगठनले यातायात मजदुरहरूलाई सडक सुरक्षा सम्बन्धी तालिम प्रदान गरेको छ । सो अवसरमा जिफन्टका महासचिव जनक चौधरीले नेपालमा सवारीसाधन सम्बन्धी नियम बने पनि कार्यान्वयन पक्ष फितलो...

गौरीगंगा नगरपालिका जहाँ श्रमिकले दिन्छन्…

गौरीगंगा नगरपालिका जहाँ श्रमिकले दिन्छन् घर समयमै सक्ने ग्यारेण्टी

काठमाडौं, असार २५- कैलालीको गौरीगंगा नगरपालिका जहाँका निर्माण श्रमिकले विगत एक बर्षयता एउटा अभ्यास सुरु गरेका छन् । नेपाल ट्रेड यूनियन महासंघ(जिफन्ट) को घटक यूनियन क्यूपेक नेपालले घर बनाउने घरधनी र निर्माणको जिम्मा लिने ठेकेदारबीच गज्जवको...

'कामप्रति सम्मान गरौं, बैदेशिक रोजगारमा …

'कामप्रति सम्मान गरौं, बैदेशिक रोजगारमा जाने आफैं कम हुन्छ'

  काठमाडौं- पूर्व प्रधानमन्त्री माधव कुमार नेपालले आफ्ना नागरिकको हित गर्नु राज्यको कर्तव्य भएको भन्दै नेकपा नेतृत्वको वर्तमान सरकारले त श्रमजीवि वर्गको हितमा आफूलाई केन्द्रीत गर्नु अझ ठूलो कर्तव्य रहेको बताएका छन् । यातायात क्षेत्रले अहिले पनि...

'तुरुन्त न्यूनतम पारिश्रमिक कार्यान्वयन …

'तुरुन्त न्यूनतम पारिश्रमिक कार्यान्वयन गर'

काठमाडौं, चैत्र २९- नेपाल ट्रेड यूनियन महासंघ(जिफन्ट) ले बिना शर्त न्यूनतम पारिश्रमिक कार्यान्वयन गर्न चिया वगान तथा चिया प्रशोधन उद्योगका सञ्चालकहरूलाई अनुरोध गरेको छ । जिफन्टका महासचिव जनक चौधरीले प्रेस विज्ञप्ती प्रकाशित गर्दै चिया उत्पादकहरूले आफ्नो...

लागु भएन न्यूनतम ज्याला, आन्दोलन सुरु गर…

लागु भएन न्यूनतम ज्याला, आन्दोलन सुरु गर्ने ट्रेड युनियनको चेतावनी

काठमाडौं, मंसीर २०- गलैंचा उद्योग तथा निकाशीकर्ताले सरकारले बृद्धि गरेको न्यूनतम तलव उपलव्ध नगराएपछि त्यसको विरुद्धमा ट्रेड युनियनहरुले आन्दोलनको चेतावनी दिएका छन् । नेपाल ट्रेड युनियन महासंघ(जिफन्ट आवद्ध जुट गार्मेण्ट कार्पेट टेक्सटायल मजदुर युनियन, नेपाल तथा...

सुचना प्रविधि श्रमिकका लागि समस्या की अव…

सुचना प्रविधि श्रमिकका लागि समस्या की अवसर ?

काठमाडौं, मंसीर २- नेपाल र नेपाली श्रमिकका लागि बढ्दो सुचना प्रविधिको प्रयोग समस्या हो वा अवसर ? अनी वर्तमान अवस्थामा यसको प्रयोग कसरी भइरहेको छ अनी भविषयमा अव के होला त ? यस बारेमा नेपाल ट्रेड...