युवाको रुचि अनुसारको रोजगारी सिर्जना, सरकारको प्राथमिकताः मन्त्री विष्ट 

काठमाडौं, मंसीर १-

श्रम, रोजगार तथा सामाजिक सुरक्षा मन्त्री गोकर्ण विष्टले श्रम बजारको विस्तार तथा युवाको रुचि अनुसारको रोजगारी सिर्जना गर्नु वर्तमान सरकारको दायित्व भएको बताएका छन् । उनले बाध्यताको वैदेशिक रोजगारलाई अन्त्य गर्दै त्यसलाई रोजाईको मात्र बनाउन सरकारले चाहिरहेको बताए ।

नेपाल ट्रेड यूनियन महासंघ(जिफन्ट) द्धारा आयोजित उच्चस्तरीय नीति सम्मेलनमा बोल्दै मन्त्री विष्टले श्रम बजार र नेपाली युवा जनशक्तिको सीपबीच तादात्म्यता नमिलेका कारण पनि विदेशी श्रमिकले नेपालमा काम गरिरहेको तर नेपाली भनें वैदेशिक रोजगारमा गइरहेको बताए । नेपालमा अहिले पनि भारत, बंगलादेश लगायत विभिन्न मुलुकका ५ लाख भन्दा बढी विदेशी नागरिकले रोजगारी गरिरहेका छन्मन्त्री विष्टले भने, “यो विरोधाभाषपूर्ण अवस्थाको अन्त्य गदै नेपालीलाई स्वदेशको रोजगारीमा पनि आकर्षित गर्न आवश्यक छ ।

मन्त्री विष्टले नेपालमा हाल रोजगारी गर्नेहरुको मासिक सरदर आम्दानी २१ हजार रहेको र वैदेशिक रोजगारमा गएकाहरुको मासिक सरदर आम्दानी ३३ हजार रहेको भन्दै लाखौं खर्च गरेर विभिन्न चरणमा ठगिंदै जानुको साटो स्वदेशको रोजगारीमा ध्यान दिन आग्रह पनि गरे ।

मन्त्री विष्टले वर्तमान सरकारको प्रमुख ध्यान स्वदेशमा नै रोजगारी सिर्जनामा रहेको भन्दै त्यसका लागि एकातिर बेरोजगारहरुको तथ्याङ्क संकलन गर्ने र अर्कोतर्फ सम्भावित रोजगारीका क्षेत्रहरु पहिचान गर्ने काम चलिरहेको बताए । उनले देशभरका पालिकामा रहेका रोजगार सुचना केन्द्रहरुमा हालसम्म १७ लाख व्यक्तिले आफू बेरोजगार भएको भन्दै निवेदन दिएको भन्दै त्यसमध्ये साँच्चै बेरोजगार रहेका व्यक्तिहरुको पहिचान गर्ने, उनीहरुको सीप, दक्षता र शैक्षिक अवस्था पत्ता लगाउने काम भइरहेको जानकारी दिए ।

यसैगरी सरकारले सुचना प्रविधि, कृषि, सहकारी लगायत विभिन्न क्षेत्रमा वृद्धि हुनसक्ने रोजगारीको अध्ययन गर्दै रोजगारी सिर्जनाका लागि सरकारले गर्नसक्ने कार्यका बारेमा अध्ययन पनि भइरहेको जानकारी दिए । उनले सरकारले थप ५ लाख रोजगारी सिर्जनाको लक्ष्य अनुरुप काम गरिरहेको पनि जानकारी दिए ।

 

मन्त्री विष्टले प्रविधिमा जुन रुपमा परिवर्तन भइरहेको छ, त्यसको प्रक्षेपण गर्दै सो अनुरुपको जनशक्ति विकास गर्न आवश्यक रहेको र त्यसो भएमा मात्र नेपालले जनशक्ति विकास श्रम बजारको आवश्यकता अनुसार हुने र रोजगारी सिर्जना हुने धारणा राखे ।

मन्त्री विष्टले विश्वमा प्रविधिले रोजगारीका धेरै क्षेत्रलाई परिवर्तन गर्दै लगेको भन्दै सो अनुरुप नेपाली युवालाई विकास गर्न, सीपयुक्त बनाउन आवश्यक रहेको र उनीहरुलाई श्रम बजारसँग जोड्ने काममा वर्तमान सरकार सजग रहेको बताए ।

जिफन्टका देशभरीका अगुवा नेता कार्यकर्ता सहभागि नीति सम्मेलनमा बोल्दै मन्त्री विष्टले हाल नेपालमा प्रतिवर्ष ५ लाखको हाराहारीमा युवा श्रम बजारमा प्रवेश गर्ने तर उपलव्ध रोजगारी सरदर १ लाख ५० हजार देखि १ लाख ८५ हजारसम्म रहेको तथ्याँक प्रस्तुत गरे । उनले बाँकी जनशक्तिलाई नेपालमा नै काम गर्ने अवसर नभएका कारण उनीहरु या त कृषिमा संलग्न हुने वा मौषमी रोजगारीमा रहने वा बाध्यतापूर्वक वैदेशिक रोजगारमा जाने गरेको बताए । त्यसैले रोजगारी सिर्जना वर्तमान सरकारले प्राथमिकताका साथ अगाडि बढाएको र श्रम मन्त्रालयले त्यहि अनुसार काम गरिरहेको जानकारी गराए ।

 

नेपालमा हाल जनसाँख्यिक रुपमा हेर्दा १५ देखि २४ बर्षको उमेर समुहका व्यक्ति ३४ प्रतिशत रहेको र सो जनसंख्या नेपालको दिर्घकालिन विकासका लागि ठूलो अवसर रहेको भन्दै मन्त्री विष्टले सन् २०३० सम्ममा सो उमेर समुह २५ प्रतिशतमा घट्ने भन्दै समय हुँदै सो युवा जनशक्ति परिचालन गरि मुलुकको विकास गर्नुपर्ने धारणा राखे । हामीले युवा जनशक्तिलाई देश विकासमा लगाउन सक्नु पर्दछ जसका लागि उनीहरुलाई रोजगारी, उद्यम मार्फत श्रम बजारसँग जोड्नु पर्दछमन्त्री विष्टले भने ।

मन्त्री विष्टले अल्पकालिन रोजगारी गरिरहेकाहरु वा बेरोजगारहरुलाई नियमित रोजगारी प्राप्त हुने अवस्थाको श्रमिकमा रुपान्तरण गर्न चुनौतिपूर्ण रहेको भन्दै सरकारले त्यसका लागि प्रयत्न गरिरहेको न्यूनतम ज्याला प्राप्त हुने अवस्था निर्माण र सामाजिक सुरक्षाले संरक्षित बनाउन खोजिरहेको बताए । उनले सामाजिक सुरक्षाको दायरामा श्रमिकलाई ल्याउन सरकारले पहल, प्रयत्न गरिरहेको भन्दै सरकारी, नीति क्षेत्र र सहकारी क्षेत्रमा रोजगारी वृद्धि गर्दै तथा प्रधानमन्त्री रोजगार कार्यक्रमलाई अझ व्यवस्थीत गर्दै अगाडी बढाइने स्पष्ट पारे ।


फेसबुकबाट तपाईको प्रतिक्रिया

  • 1
  • 2
Prev Next

'राजनीतिक लविङ, आवश्यक परे हस्तक्षेप'

'राजनीतिक लविङ, आवश्यक परे हस्तक्षेप'

काठमाडौं, कात्तिक १७-  बन क्षेत्रमा कार्यरत श्रमिकको अधिकार रक्षाका लागि नीतिगत तहमा थप पहल आवश्यक रहेको यस क्षेत्रमा कार्यरतहरुले निश्कर्ष निकालेका छन् । उनीहरुले यसका लागि सकेसम्म राजनीतिक रुपमा लविङ गर्ने र आवश्यक ठाउँमा हस्तक्षेप समेत...

पर्यटन क्षेत्रका श्रमिकलाई चिनियाँ भाषा …

पर्यटन क्षेत्रका श्रमिकलाई चिनियाँ भाषा तालिम

  कास्की, भदौ २४- नेपाल ट्रेकिङ–ट्राभल्स–र्याफ्टिङ–एयरलाइन्स, पुरातात्विक–संस्कृति, कार्गो–कुरियर कर्मचारी मजदुर युनियन (युनिट्राभ) गण्डकीले पर्यटन क्षेत्रमा कार्यरत मजदुुरलाई एकमहिने चिनियाँ भाषाको निःशुल्क तालिम प्रदान गरेको छ । नेपालमा चिनियाँ पर्यटकको सङ्ख्या वृद्धि भएसँगै पर्यटकको बसाइ सहज बनाउने र भाषाको...

यातायात मजदूरलाई सडक सुरक्षा तालिम

यातायात मजदूरलाई सडक सुरक्षा तालिम

   काठमाडौं, असार २९- जिफन्टको घटक यूनियन नेपाल यातायात स्वतन्त्र मजदुर संगठनले यातायात मजदुरहरूलाई सडक सुरक्षा सम्बन्धी तालिम प्रदान गरेको छ । सो अवसरमा जिफन्टका महासचिव जनक चौधरीले नेपालमा सवारीसाधन सम्बन्धी नियम बने पनि कार्यान्वयन पक्ष फितलो...

गौरीगंगा नगरपालिका जहाँ श्रमिकले दिन्छन्…

गौरीगंगा नगरपालिका जहाँ श्रमिकले दिन्छन् घर समयमै सक्ने ग्यारेण्टी

काठमाडौं, असार २५- कैलालीको गौरीगंगा नगरपालिका जहाँका निर्माण श्रमिकले विगत एक बर्षयता एउटा अभ्यास सुरु गरेका छन् । नेपाल ट्रेड यूनियन महासंघ(जिफन्ट) को घटक यूनियन क्यूपेक नेपालले घर बनाउने घरधनी र निर्माणको जिम्मा लिने ठेकेदारबीच गज्जवको...

'कामप्रति सम्मान गरौं, बैदेशिक रोजगारमा …

'कामप्रति सम्मान गरौं, बैदेशिक रोजगारमा जाने आफैं कम हुन्छ'

  काठमाडौं- पूर्व प्रधानमन्त्री माधव कुमार नेपालले आफ्ना नागरिकको हित गर्नु राज्यको कर्तव्य भएको भन्दै नेकपा नेतृत्वको वर्तमान सरकारले त श्रमजीवि वर्गको हितमा आफूलाई केन्द्रीत गर्नु अझ ठूलो कर्तव्य रहेको बताएका छन् । यातायात क्षेत्रले अहिले पनि...

'तुरुन्त न्यूनतम पारिश्रमिक कार्यान्वयन …

'तुरुन्त न्यूनतम पारिश्रमिक कार्यान्वयन गर'

काठमाडौं, चैत्र २९- नेपाल ट्रेड यूनियन महासंघ(जिफन्ट) ले बिना शर्त न्यूनतम पारिश्रमिक कार्यान्वयन गर्न चिया वगान तथा चिया प्रशोधन उद्योगका सञ्चालकहरूलाई अनुरोध गरेको छ । जिफन्टका महासचिव जनक चौधरीले प्रेस विज्ञप्ती प्रकाशित गर्दै चिया उत्पादकहरूले आफ्नो...

लागु भएन न्यूनतम ज्याला, आन्दोलन सुरु गर…

लागु भएन न्यूनतम ज्याला, आन्दोलन सुरु गर्ने ट्रेड युनियनको चेतावनी

काठमाडौं, मंसीर २०- गलैंचा उद्योग तथा निकाशीकर्ताले सरकारले बृद्धि गरेको न्यूनतम तलव उपलव्ध नगराएपछि त्यसको विरुद्धमा ट्रेड युनियनहरुले आन्दोलनको चेतावनी दिएका छन् । नेपाल ट्रेड युनियन महासंघ(जिफन्ट आवद्ध जुट गार्मेण्ट कार्पेट टेक्सटायल मजदुर युनियन, नेपाल तथा...

सुचना प्रविधि श्रमिकका लागि समस्या की अव…

सुचना प्रविधि श्रमिकका लागि समस्या की अवसर ?

काठमाडौं, मंसीर २- नेपाल र नेपाली श्रमिकका लागि बढ्दो सुचना प्रविधिको प्रयोग समस्या हो वा अवसर ? अनी वर्तमान अवस्थामा यसको प्रयोग कसरी भइरहेको छ अनी भविषयमा अव के होला त ? यस बारेमा नेपाल ट्रेड...