समस्यामा परेका नेपालीलाई सहयोग गर्ने कोषमा साढे सात लाख जुट्यो

मोहन बस्याल, युएई, असोज १५  

युएईमा समस्यामा परेका नेपालीलाई तत्काल सहयोग गर्न सकियोस भनेर निर्माण गर्ने भनिएको कल्याणकारी कोषका लागि करिब साढे सात लाख रुपैया जम्मा भएको छ । कल्याणकारी कोष निर्माणका लागि अभियान चलाई रहेको नेपाली समाजले शुक्रबार बरदुबईमा राखेको समिक्षा कार्यक्रममा आयब्यय विवरण प्रस्तुत गर्दै यस्तो जानकारी दिएको हो । 

कार्यक्रममा समाजका महासचिव मणि भुर्तेलले अगष्ट ५ तारिकमा आयोजना गरिएको कार्यक्रमबाट २५ हजार २ सय ४० दिराम(करिब साढे सात लाख रुपैया) बचत भएको जानकारी दिए । नेपाली समाजले १ लाख दिराम बराबरको कल्याणकारी कोष बनाउने लक्ष्य सहित अभियान शुरु गरेको हो । 

समाजको २६ औ बार्षिक उत्सवको अवसरमा राखिएको कार्यक्रमलाई कोष निर्माण अभियानको रुपमा प्रयोग गरिएको थियो । कोष निर्माणका लागि युएईका ब्यवसायी दिनेश आचार्यले १० हजार दिराम सहयोग गरेका छन् । बाँकी रकम टिकट, स्पोन्सर तथा अन्य दाताबाट प्राप्त भएको नेपाली समाजले जनाएको छ ।

नेपाली समाजका अध्यक्ष चन्द्र प्रसाद सापकोटाले  कोष परिचालनका लागि अन्य संघ संस्थाबाट पनि प्रतिनिधित्व हुने गरि समिति निर्माण गरिने जानकारी दिए । 

कार्यविधि निर्माणका लागि समिति

नेपाली समाजको मातहतमा हुने कल्याणकारी कोषको परिचालनका लागि कार्यविधि निर्माणका लागि नेपाली समाजले एक समिति बनाएको छ । नेपाली समाजका कोषाध्यक्ष कृष्ण न्यौपानेको संयोजकत्वमा तीन सदस्यीय समिति निर्माण गरिएको हो । समितिमा पत्रकार मेघराज सापकोटा र कपिलवस्तु समाजका अध्यक्ष नारायण अधिकारी रहेको कार्यक्रममा जानकारी दिईयो । समितिले युएईमा रहेका संघ संस्थाहरुसंग समन्वय गरि कोष परिचालनका लागि आवश्यक कार्यविधि निर्माण गर्नेछ । 

सहयोगीलाई सम्मान 

अगष्ट ५ मा आयोजना गरिएको सांगितिक कार्यक्रम सफल पार्न सहयोग गर्ने समाजसेवी, कलाकार, पत्रकार तथा दाताहरुलाई कार्यक्रममा सम्मान गरियो । कार्यक्रममा नेपाली कलाकार समुह युएई, अन्तराष्ट्रिय नेपाली कलाकार समाज, नेपाल आदिबासी जनजाति महासंघ युएई तथा त्यसमा आवद्ध जातिय संगठन, नेपाल पत्रकार महासंघ युएईलाई संस्थागत रुपमा पनि सम्मान गरिएको थियो । 

एकताबद्ध हुन आह्वान 

युएईमा दर्ता र अनुमति बिना संस्थाले कार्यक्रम गरे ठुलो आर्थिक जरिवाना गर्ने संकेत देखिएको भन्दै कार्यक्रममा सहभागिले सचेत हुनुपर्ने बताए । उनीहरुले संस्था दर्ता र संचालन प्रकृया खर्चिलो हुने भएकोले धेरै संस्था दर्ता भन्दा सामुहिक रुपमा संस्था दर्ता गरेर अगाडी बढ्नु पर्ने सुझाव दिए । कार्यक्रममा बोल्दै नेपाल आदिबासी जनजाति महासंघ, युएईका अध्यक्ष डेर राज तमुले सरकारले कडाई नगरे हरेक तीनजना नेपालीको एउटा संगठन हुने अवस्था देखिएको भन्दै अव मिलेर थोरै तर सबैले सहभागि हुन मिल्ने संगठन निर्माण गरेर अगाडी बढ्नुपर्ने बताए । 

कार्यक्रममा नमस्ते ट्राभल्सका संचालक तथा नेपाली बिजनेश काउन्सिलका कोषाध्यक्ष एकेन्द्र थापा, नेपाल पत्रकार महासंघ युएईका अध्यक्ष त्रिलोचन कोईराला, नयाँ शक्ति अभियानका संयोजक उत्तम अधिकारी, जनप्रगतिशिल मोर्चा युएईका काशी काफ्ले, नेपाली सोसियल क्लबका अध्यक्ष शालिक सुवेदी, शेर्पा केदुङ युएईका अध्यक्ष पासाङ शेर्पा लगायतले बोल्दै नेपाली समाजको अभियानमा आफुहरु सहयोग गर्न तयार रहेको बताए ।  

कार्यक्रमका अध्यक्ष चन्द्र प्रसाद सापकोटाले नेपाली समाज दर्ता प्रकृयामा अगाडी बढेको जानकारी दिदै दर्ताका लागि आदिबासी जनजाति, बुद्धिजीवी लगायतका क्षेत्रका प्रतिनिधि समेटेर अगाडी बढिने जानकारी दिए । 

यो पनि पढ्नुहोस् 

साउदीमा बढे नेपाली कामदारका समस्या


फेसबुकबाट तपाईको प्रतिक्रिया

  • 1
  • 2
Prev Next

यूनीप्रेस नेपालको चौथो महाधिवेशन सम्पन्न

यूनीप्रेस नेपालको चौथो महाधिवेशन सम्पन्न

काठमाडौं, चैत्र २५- यूनियन अफ प्रेस एण्ड एलाइड वर्कस नेपाल (यूनीप्रेस)े को चौथो संघिय महाधिवेशन काठमाडौमा सम्पन्न भएको छ । महाधिवेशनले सुबर्णजंग सिजापतिको अध्यक्षतामा ३१ सदस्यीय नयाँ संघिय (केन्द्रिय) समिति सर्वसम्मत रुपमा चयन गरेको छ । समितिको...

निर्माण मजदुर संघको नयाँ नेतृत्व चयन गर्…

निर्माण मजदुर संघको नयाँ नेतृत्व चयन गर्दै सकियो राष्ट्रिय भेला

  काठमाडौं, चैत्र ५- अखिल नेपाल निर्माण मजदुर संघको पाँचौं राष्ट्रिय भेला सम्पन्न भएको छ । माओवादी केन्द्र निकटको अखिल नेपाल ट्रेड युनियन महासंघ आवद्ध निर्माणकर्मीहरुको सो संघको राष्ट्रिय भेलाले नयाँ नेतृत्व पनि चयन गर्यो । भेलाले संघको...

जहाँ पुरुषलाई २५ प्रतिशत आरक्षण छ

जहाँ पुरुषलाई २५ प्रतिशत आरक्षण छ

काठमाडौं, फागुन २४- नेपालमा राज्यका निर्वाचित निकायहरुमा महिलाको प्रतिनिधित्व बृद्धिका लागि ३३ प्रतिशत आरक्षणको व्यवस्था छ । यहि व्यवस्थाका कारण पछिल्लो समयमा राज्यका निर्वाचित निकायहरुमा महिलाको प्रतिनिधित्वमा उल्लेख्य रुपमा बृद्धि भएको छ । केन्द्रीय तथा प्रादेशिक...

यस्तो छ नयाँ श्रम ऐन(ऐन सहित)

यस्तो छ नयाँ श्रम ऐन(ऐन सहित)

काठमाडौं- श्रमिकलाई सामाजिक सुरक्षा सहितको श्रम ऐन २०७४ यसअघिको श्रम ऐन, २०४८ भन्दा धेरै कुरामा श्रमिक मैत्री देखिएको छ । सञ्चयकोष, उपादान लगायतका विषयमा नयाँ श्रम ऐनले प्रष्ट व्यवस्था गरेको छ । यसैगरी नयाँ ऐनले अन्य श्रमिक...

१५ हजारको जागिर नपाएका लामिछाने महिनामै …

१५ हजारको जागिर नपाएका लामिछाने महिनामै डेढ लाख कमाउँदै

  निमदत्त सुवेदी, पोखरा  पढाइ सकेपछि जागिर खोज्न निक्कै भौतारिए सूर्यप्रसाद लामिछाने। पोखरा–लेखनाथ महानगरपालिका–३१ बेगनासतालका उनले जति प्रयत्न गरे पनि जागिर पाउन सकेनन्। अन्तत उनी निष्कर्षमा पुगेः मौरी पालन गर्ने। १५ हजार रुपैयाँको जागिर खोज्दै हिँडेका लामिछाने अहिले...

श्रम विधेयक संसदबाट पारीत

श्रम विधेयक संसदबाट पारीत

  काठमाडौ– व्यवस्थापिका संसदले श्रम विधेयक पारीत गरेको छ । संसदको शुक्रवारको बैठकले सो विधेयक पारीत गरेको हो । विगत लामो समयसम्म छलफल भई संसदको अन्तराष्ट्रिय सम्वन्ध तथा श्रम समिति हुँदै सो विधेयक संसदको बैठकमा पुगेको...

रोजगारी पाउनु भएन ? अवशर छन्

रोजगारी पाउनु भएन ? अवशर छन्

काठमाडौं- तपाई कामको खोजीमा हुनुहुन्छ ? तर पाउनु भएको छैन ? उपाय धेरै छन् शहरमा । शहरमा युवाका लागि तालिम दिने संस्थामा जानुभयो भनें तपाईका लागि उपयुक्त तालिम र तालिमपछि रोजगारी पाइन सक्छ । यसरी नै...

सीप हुनेलाई स्ववदेशमै छ रोजगारी 

सीप हुनेलाई स्ववदेशमै छ रोजगारी 

  काठमाडौं- भक्तपुरका रमेश बाखु हाउस वायरिङ्गको काम गरेर महिनामा १५ हजार बचत गर्छन् । उनले यस्तो काम थालेको एक बर्ष मात्र भयो । ‘बिजुलीको काम सधैं नहुनसक्छ, तर कहिलेकाँहि त मारामार हुन्छ ।’ उनी भन्छन्...