नर्क जस्तै ठाउँबाट चार नेपालीको उद्धार 

काठमाडौं, पुष २७

महानगरीय प्रहरी अपराध महाशाखाले परराष्ट्र मन्त्रालयसँगको सहकार्यमा धमानीकुमार सहनीसहित महोत्तरीका रवीन्द्र सहनी, वीरेन्द्र सहनी र नवलपरासीकी मालती ठकुरीलाई उद्धार गरी सोमबार नेपाल फर्काएको छ । उद्धार गरी ल्याइएका कामदारले आफूहरूले वैदेशिक रोजगारीमा अमानवीय व्यवहारको सामना गर्नुपरेको गुनासो गरेका छन् । 'कामदारलाई मानवीय व्यवहार देखाइएन, खाना समयमा खान दिइएन, काम गर्न नसक्दा पनि घिसारेर लैजान्थ्यो', धमानीकुमारले भने, 'अहिले पनि दुबईको प्लेक्स कम्पनीमा सयभन्दा बढी नेपाली कामदारले धेरै कष्ट बेहोरेका छन् ।'

मालती दुई बच्चाकी आमा हुन् । घरेलु कामदारका रूपमा डेढ लाख रुपैयाँ म्यानपावरलाई बुझाएर गत भदौमा कुवेत पुगेकी उनलाई सुरुमा शौचालय सरसफाइमा लगाइयो । उनीलगायत अन्य थुप्रै महिलालाई कुवेत पुर्‍याइएको थियो । मालतीका अनुसार राम्री र शरीर मिलेका महिलालाई डान्सबारका लागि एजेन्टले छानेर लैजान्थे ।

'कम्पनीमा पुगेपछि सुरुमै मलाई फुच्ची रहिछ, के गर्न सक्छे र यसले भनेर होच्चाइयो, शौचालय सफा गर्ने काममा पठाए, काम गरे पनि समयमा तलब नदिएपछि म त्यहाँबाट कहिले फुत्किउँजस्तो भयो, धन्न प्रहरीले उद्धार गरेर ल्यायो, अझै थुप्रै दिदीले नारकीय जीवन बिताइरहेका छन्, राज्यले चाहेमा उनीहरूको उद्धार हुन्छ', मालतीले भनिन् ।

नुन र चिउरा खाएरै बस्नुपरे पनि अब विदेश नजाने वीरेन्द्रले बताए । 'साहुसँग लिएको ऋण कसरी चुक्ता गर्ने भन्ने चिन्ताले भने सताएको छ', उनले भने । उद्दार गरी ल्याइएका चार जनासँग घरसम्म पुग्ने बसभाडासमेत नभएपछि महाशाखाले केही रकम दिएर घर पठाएको छ । 'दुबईमा धेरै नेपाली कामदारको अवस्था दायनीय छ, परराष्ट्र मन्त्रालयसँग समन्वय गरी उनीहरूलाई उद्धार गर्ने काम भइरहेको छ', महाशाखाका प्रमुख एसएसपी सर्वेन्द्र खनालले भने ।

'साढे तीन महिनादेखि दैनिक १२ घन्टासम्म भाँडा माझ्न लगाइयो, तलब माग्दा उल्टै कुटपिट गरे, साहुसँग ऋण लिएर विदेश गएको पैसा अब कसरी तिर्ने ?', दुबईबाट उद्धार गरी सोमबार नेपाल फकाईएका महोत्तरीका धमानी प्रहरीसमक्ष पीडा पोख्दै भने, 'एकजना अट्ने कोठामा ६ जनालाई कोचेर राख्थ्यो, त्यहाँ धेरै नेपालीको बिजोग छ ।'

धमानीकुमारसहित रवीन्द्र र वीरेन्द्र साढे तीन महिनाअगाडि समाखुसीस्थित इमरावल म्यानपावर कम्पनीमार्फत दुबई पुगेका थिए । उनीहरू साहुसँग ब्याजमा ऋण काटेर दुबई गएका हुन् । वैदेशिक रोजगारीको नाममा भइरहेको मानव तस्करी नियन्त्रण गर्न म्यानपावर कम्पनीहरूमाथि अनुसन्धान भइरहेको खनालले बताए । महाशाखाले कतार, मलेसिया, दुबईलगायत खाडी मुलुकमा अलपत्र दुई सयभन्दा बढी नेपाली कामदारलाई उद्धार गरी नेपाल फिर्ता ल्याइसकेको छ ।

अन्नपूर्ण पोष्टबाट 


फेसबुकबाट तपाईको प्रतिक्रिया

  • 1
  • 2
Prev Next

यूनीप्रेस नेपालको चौथो महाधिवेशन सम्पन्न

यूनीप्रेस नेपालको चौथो महाधिवेशन सम्पन्न

काठमाडौं, चैत्र २५- यूनियन अफ प्रेस एण्ड एलाइड वर्कस नेपाल (यूनीप्रेस)े को चौथो संघिय महाधिवेशन काठमाडौमा सम्पन्न भएको छ । महाधिवेशनले सुबर्णजंग सिजापतिको अध्यक्षतामा ३१ सदस्यीय नयाँ संघिय (केन्द्रिय) समिति सर्वसम्मत रुपमा चयन गरेको छ । समितिको...

निर्माण मजदुर संघको नयाँ नेतृत्व चयन गर्…

निर्माण मजदुर संघको नयाँ नेतृत्व चयन गर्दै सकियो राष्ट्रिय भेला

  काठमाडौं, चैत्र ५- अखिल नेपाल निर्माण मजदुर संघको पाँचौं राष्ट्रिय भेला सम्पन्न भएको छ । माओवादी केन्द्र निकटको अखिल नेपाल ट्रेड युनियन महासंघ आवद्ध निर्माणकर्मीहरुको सो संघको राष्ट्रिय भेलाले नयाँ नेतृत्व पनि चयन गर्यो । भेलाले संघको...

जहाँ पुरुषलाई २५ प्रतिशत आरक्षण छ

जहाँ पुरुषलाई २५ प्रतिशत आरक्षण छ

काठमाडौं, फागुन २४- नेपालमा राज्यका निर्वाचित निकायहरुमा महिलाको प्रतिनिधित्व बृद्धिका लागि ३३ प्रतिशत आरक्षणको व्यवस्था छ । यहि व्यवस्थाका कारण पछिल्लो समयमा राज्यका निर्वाचित निकायहरुमा महिलाको प्रतिनिधित्वमा उल्लेख्य रुपमा बृद्धि भएको छ । केन्द्रीय तथा प्रादेशिक...

यस्तो छ नयाँ श्रम ऐन(ऐन सहित)

यस्तो छ नयाँ श्रम ऐन(ऐन सहित)

काठमाडौं- श्रमिकलाई सामाजिक सुरक्षा सहितको श्रम ऐन २०७४ यसअघिको श्रम ऐन, २०४८ भन्दा धेरै कुरामा श्रमिक मैत्री देखिएको छ । सञ्चयकोष, उपादान लगायतका विषयमा नयाँ श्रम ऐनले प्रष्ट व्यवस्था गरेको छ । यसैगरी नयाँ ऐनले अन्य श्रमिक...

१५ हजारको जागिर नपाएका लामिछाने महिनामै …

१५ हजारको जागिर नपाएका लामिछाने महिनामै डेढ लाख कमाउँदै

  निमदत्त सुवेदी, पोखरा  पढाइ सकेपछि जागिर खोज्न निक्कै भौतारिए सूर्यप्रसाद लामिछाने। पोखरा–लेखनाथ महानगरपालिका–३१ बेगनासतालका उनले जति प्रयत्न गरे पनि जागिर पाउन सकेनन्। अन्तत उनी निष्कर्षमा पुगेः मौरी पालन गर्ने। १५ हजार रुपैयाँको जागिर खोज्दै हिँडेका लामिछाने अहिले...

श्रम विधेयक संसदबाट पारीत

श्रम विधेयक संसदबाट पारीत

  काठमाडौ– व्यवस्थापिका संसदले श्रम विधेयक पारीत गरेको छ । संसदको शुक्रवारको बैठकले सो विधेयक पारीत गरेको हो । विगत लामो समयसम्म छलफल भई संसदको अन्तराष्ट्रिय सम्वन्ध तथा श्रम समिति हुँदै सो विधेयक संसदको बैठकमा पुगेको...

रोजगारी पाउनु भएन ? अवशर छन्

रोजगारी पाउनु भएन ? अवशर छन्

काठमाडौं- तपाई कामको खोजीमा हुनुहुन्छ ? तर पाउनु भएको छैन ? उपाय धेरै छन् शहरमा । शहरमा युवाका लागि तालिम दिने संस्थामा जानुभयो भनें तपाईका लागि उपयुक्त तालिम र तालिमपछि रोजगारी पाइन सक्छ । यसरी नै...

सीप हुनेलाई स्ववदेशमै छ रोजगारी 

सीप हुनेलाई स्ववदेशमै छ रोजगारी 

  काठमाडौं- भक्तपुरका रमेश बाखु हाउस वायरिङ्गको काम गरेर महिनामा १५ हजार बचत गर्छन् । उनले यस्तो काम थालेको एक बर्ष मात्र भयो । ‘बिजुलीको काम सधैं नहुनसक्छ, तर कहिलेकाँहि त मारामार हुन्छ ।’ उनी भन्छन्...