जुनसुकै काम र जतिसुकै तलवमा श्रमिक पठाउन प्रतिस्पर्धा गर्नुहुन्नः मन्त्री विष्ट 

काठमाडौं, कात्तिक २७-

श्रम, रोजगार तथा सामाजिक सुरक्षा मन्त्री गोकर्ण विष्टले श्रमिकको हितका लागि कामदार पठाउने मुलुकहरुवीच कामदारको न्यूनतम ज्याला, सेवा सुविधाका विषयमा न्यूनतम सहमति हुनुपर्ने बताएका छन् । उनले यसो हुन सकेमा रोजगारीका लागि जाने श्रमिकको हित हुने बताए । उनले जुनसुकै काममा र जतिसुकै तलवमा पनि श्रमिक पठाउने गरी अस्वस्थ प्रतिस्पर्धा गर्न नहुने भन्दै नेपाल स्वस्थ प्रतिस्पर्धाको पक्षमा रहेको बताए । 

अन्तराष्ट्रिय आप्रवासन संगठन(आइओएम) का एसिया प्रशान्त क्षेत्रीय निर्देशक मारिया नेनेत मोटुस तथा आइओएम, नेपालकी चिफ अफ मिसन लोरेना ल्याण्डोसँगको भेटमा मन्त्री विष्टले कामदार पठाउने मुलुकहरुवीच न्यूनतम तलव, सुविधाका विषयमा एकमत हुनसके त्यसले श्रमिकलाई लाभ पुग्ने भन्दै त्यसका लागि सहजिकरण गर्न आइओएमलाई आग्रह गरे । उनले लाखौं नेपाली श्रमिक खाडीका मुलुकहरु तथा मलेसियामा अदक्ष श्रमिकका रुपमा कार्यरत रहेको भन्दै उनीहरुको दक्षता अभिवृद्धि सरकारको चासोको विषय भएको बताए । मन्त्री विष्टले अदक्ष श्रमिकलाई दक्ष बनाउन, उनीहरुको सीप विकास गर्न गन्तव्य मुलुकहरुलाई आइओएमले पनि झक्झक्याउनु पर्ने धारणा राखे ।

भेटमा मन्त्री विष्टले नेपालले वैदेशिक रोजगारबाट फर्केका श्रमिकको सीप प्रमाणिकरण, वैदेशिक रोजगारमा जान चाहनेहरुका लागि मर्यादित तथा स्वच्छ भर्ना प्रकृयालाई सुनिश्चित गर्न तथा फेरिंदै गएको श्रम बजारको पहिचान गर्दै सोही अनुरुपका योजना बनाउने काम गरिरहेको भन्दै २० ३० बर्षपछिको श्रम बजारलाई लक्षित गरेर अहिले देखि नै काम गर्नुपर्ने धारणा राखे ।

मन्त्री विष्टले नेपाल कोलम्वो प्रोसेसको अध्यक्षता अन्य मुलुकलाई हस्तान्तरण गर्न तत्पर रहेको भन्दै यसका लागि केहि मुलुकले चासो पनि देखाएको आफूले अनौपचारिक जानकारी पाएको बताए । उनले यदि कुनै मुलुकले यसलाई औपचारिक रुपमा प्रस्ताव गरे तत्कालै मन्त्रीस्तरिय बैठक बोलाई अध्यक्षता हस्तान्तरण गरिने जानकारी गराए ।

सो अवसरमा आइओएमका क्षेत्रीय निर्देशक मोटुसले श्रम आप्रवासनलाई व्यवस्थीत बनाउन नेपालले खेलिरहेको भूमिकाको प्रशंसा गरिन् । उनले ग्लोवल कम्प्याक्ट फर माइग्रेसन(जिसिएम) को  कार्यान्वयनमा नेपाललाई जुनसुकै प्रकारको सहयोग गर्न आइओएम तयार रहेको बताइन् । उनले यसका लागि आइओएम, आइएलओ, युएन वुमन लगायतले मिलेर काम गर्ने भन्दै नेपाललाई पनि अझ सकृय भएर यसको कार्यान्वयनमा जुट्न आग्रह गरिन् ।

क्षेत्रीय निर्देशक मोटुलले कामदार पठाउने मुलुकहरुवीच श्रमिकको न्यूनतम सेवा, सुविधाका विषयमा छलफल गर्ने कोलम्वो प्रोसेस उपयुक्त थलो रहेको भन्दै अवुधावी डायलग मार्फत पनि यस विषयमा छलफल गर्न सुझाव दिइन् ।

भेटमा आगामी दिनमा नेपाल सरकार र आइओएमवीच श्रम, रोजगारको क्षेत्रमा गर्न सकिने कामका बारेमा पनि छलफल भएको थियो । 


फेसबुकबाट तपाईको प्रतिक्रिया

  • 1
  • 2
Prev Next

'राजनीतिक लविङ, आवश्यक परे हस्तक्षेप'

'राजनीतिक लविङ, आवश्यक परे हस्तक्षेप'

काठमाडौं, कात्तिक १७-  बन क्षेत्रमा कार्यरत श्रमिकको अधिकार रक्षाका लागि नीतिगत तहमा थप पहल आवश्यक रहेको यस क्षेत्रमा कार्यरतहरुले निश्कर्ष निकालेका छन् । उनीहरुले यसका लागि सकेसम्म राजनीतिक रुपमा लविङ गर्ने र आवश्यक ठाउँमा हस्तक्षेप समेत...

पर्यटन क्षेत्रका श्रमिकलाई चिनियाँ भाषा …

पर्यटन क्षेत्रका श्रमिकलाई चिनियाँ भाषा तालिम

  कास्की, भदौ २४- नेपाल ट्रेकिङ–ट्राभल्स–र्याफ्टिङ–एयरलाइन्स, पुरातात्विक–संस्कृति, कार्गो–कुरियर कर्मचारी मजदुर युनियन (युनिट्राभ) गण्डकीले पर्यटन क्षेत्रमा कार्यरत मजदुुरलाई एकमहिने चिनियाँ भाषाको निःशुल्क तालिम प्रदान गरेको छ । नेपालमा चिनियाँ पर्यटकको सङ्ख्या वृद्धि भएसँगै पर्यटकको बसाइ सहज बनाउने र भाषाको...

यातायात मजदूरलाई सडक सुरक्षा तालिम

यातायात मजदूरलाई सडक सुरक्षा तालिम

   काठमाडौं, असार २९- जिफन्टको घटक यूनियन नेपाल यातायात स्वतन्त्र मजदुर संगठनले यातायात मजदुरहरूलाई सडक सुरक्षा सम्बन्धी तालिम प्रदान गरेको छ । सो अवसरमा जिफन्टका महासचिव जनक चौधरीले नेपालमा सवारीसाधन सम्बन्धी नियम बने पनि कार्यान्वयन पक्ष फितलो...

गौरीगंगा नगरपालिका जहाँ श्रमिकले दिन्छन्…

गौरीगंगा नगरपालिका जहाँ श्रमिकले दिन्छन् घर समयमै सक्ने ग्यारेण्टी

काठमाडौं, असार २५- कैलालीको गौरीगंगा नगरपालिका जहाँका निर्माण श्रमिकले विगत एक बर्षयता एउटा अभ्यास सुरु गरेका छन् । नेपाल ट्रेड यूनियन महासंघ(जिफन्ट) को घटक यूनियन क्यूपेक नेपालले घर बनाउने घरधनी र निर्माणको जिम्मा लिने ठेकेदारबीच गज्जवको...

'कामप्रति सम्मान गरौं, बैदेशिक रोजगारमा …

'कामप्रति सम्मान गरौं, बैदेशिक रोजगारमा जाने आफैं कम हुन्छ'

  काठमाडौं- पूर्व प्रधानमन्त्री माधव कुमार नेपालले आफ्ना नागरिकको हित गर्नु राज्यको कर्तव्य भएको भन्दै नेकपा नेतृत्वको वर्तमान सरकारले त श्रमजीवि वर्गको हितमा आफूलाई केन्द्रीत गर्नु अझ ठूलो कर्तव्य रहेको बताएका छन् । यातायात क्षेत्रले अहिले पनि...

'तुरुन्त न्यूनतम पारिश्रमिक कार्यान्वयन …

'तुरुन्त न्यूनतम पारिश्रमिक कार्यान्वयन गर'

काठमाडौं, चैत्र २९- नेपाल ट्रेड यूनियन महासंघ(जिफन्ट) ले बिना शर्त न्यूनतम पारिश्रमिक कार्यान्वयन गर्न चिया वगान तथा चिया प्रशोधन उद्योगका सञ्चालकहरूलाई अनुरोध गरेको छ । जिफन्टका महासचिव जनक चौधरीले प्रेस विज्ञप्ती प्रकाशित गर्दै चिया उत्पादकहरूले आफ्नो...

लागु भएन न्यूनतम ज्याला, आन्दोलन सुरु गर…

लागु भएन न्यूनतम ज्याला, आन्दोलन सुरु गर्ने ट्रेड युनियनको चेतावनी

काठमाडौं, मंसीर २०- गलैंचा उद्योग तथा निकाशीकर्ताले सरकारले बृद्धि गरेको न्यूनतम तलव उपलव्ध नगराएपछि त्यसको विरुद्धमा ट्रेड युनियनहरुले आन्दोलनको चेतावनी दिएका छन् । नेपाल ट्रेड युनियन महासंघ(जिफन्ट आवद्ध जुट गार्मेण्ट कार्पेट टेक्सटायल मजदुर युनियन, नेपाल तथा...

सुचना प्रविधि श्रमिकका लागि समस्या की अव…

सुचना प्रविधि श्रमिकका लागि समस्या की अवसर ?

काठमाडौं, मंसीर २- नेपाल र नेपाली श्रमिकका लागि बढ्दो सुचना प्रविधिको प्रयोग समस्या हो वा अवसर ? अनी वर्तमान अवस्थामा यसको प्रयोग कसरी भइरहेको छ अनी भविषयमा अव के होला त ? यस बारेमा नेपाल ट्रेड...